Mańǵystaýda alpysqa jýyq oqýshy astan ýlandy

<p>AQTAÝ. KAZINFORM - Balalar ish aýrýy men dene qyzýyna shaǵymdanyp, dárigerdiń kómegine júgingen.</p>

Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, Munaıly aýdanynda tamaqtan ýlanǵan balalar baqylaýǵa alyndy.

- Munaıly aýdanynda №8 mekteptiń 21 oqýshysy 6 qyrkúıek kúni keshki mezgilden bastap jedel járdem shaqyryp bastaǵan. Shaǵymdary: ish aýrýy, dene qyzýynyń kóterilýi. Búgingi kúni, saǵat 13:15-tegi jaǵdaı boıynsha 58 bala medıtsınalyq kómekke júgindi. 26 bala emhanada em qabyldap jatyr, 27 bala úı jaǵdaıynda baqylaýda, 5 bala aýrýhanaǵa jatqyzyldy, - deıdi oblystyq densaýlyq saqtaý basqarmasynyń baspasóz hatshysy Móldir Ádil.

Jaǵdaıdyń neden bolǵanyn anyqtaý maqsatynda Mańǵystaý oblysynyń sanıtarııalyq – epıdemıologııalyq baqylaý departamentine habarlama berilgen.