Mańǵystaýda Aqtaý – Beket ata baǵytynda jańa týrıstik marshrýt ashyldy

<p>AQTAÝ. KAZINFORM &ndash; Búgin Mańǵystaý oblysynda &laquo;Aqtaý &ndash; Beket ata &ndash; Aqtaý&raquo; baǵytyndaǵy jańa týrıstik marshrýttyń saltanatty ashylý rásimi ótti. Sharada oblys ákimi Nurdáýlet Qılybaı alǵashqy saparǵa shyqqan jolaýshylarǵa sáttilik tiledi. Bul týraly Mańǵystaý oblysy ákiminiń baspasóz qyzmeti málimdedi.</p>

— Búgin qasıetti mekenge aparatyn jańa týrıstik marshrýtty iske qosyp otyrmyz. Beket ata meshiti — rýhanı qundylyqtarymyzdyń altyn qazyǵy. Bul joba Mańǵystaý óńirinde tarıhı-mádenı týrızmdi damytýǵa jáne qasıetti mekenderge qoljetimdilikti arttyrýǵa baǵyttalǵan. Barshańyzǵa sátti sapar tileımin! — dedi oblys ákimi Nurdáýlet Qılybaı.

Foto: Mańǵystaý oblysy ákiminiń baspasóz qyzmeti

Jańa baǵyt aıasynda týrıstik avtobýs aptasyna jeti kún boıy úzdiksiz qyzmet kórsetedi. Jolaýshylardy tasymaldaý úshin syıymdylyǵy 51 oryndyq, jaıly jáne zamanaýı Yutong markaly avtobýstar paıdalanylady. Avtobýstarda sapardyń uzaqtyǵyn eskere otyryp, sanıtarlyq torap (dárethana) qarastyrylǵan.

Foto: Mańǵystaý oblysy ákiminiń baspasóz qyzmeti

Marshrýttyń bastapqy núktesi — Aqtaý qalasynyń 26-shaǵynaýdanynda ornalasqan oblystyq ortalyq «Beket ata» meshiti janyndaǵy avtoturaq. Avtobýs tańǵy saǵat 07:00–de jolǵa shyǵyp, Oǵylandydaǵy «Beket ata» meshitine jetkizedi. Qaıtar ýaqyt sol kúngi keshki saǵat 17:00–ge belgilengen.

Foto: Mańǵystaý oblysy ákiminiń baspasóz qyzmeti

Týrıstik baǵytqa bılet quny eresekter úshin bir baǵytqa — 1500 teńge, al 7-18 jas aralyǵyndaǵy balalar úshin — 750 teńge.

Foto: Mańǵystaý oblysy ákiminiń baspasóz qyzmeti

Jolaýshylar tasymalyn uıymdastyrýshy — «Caspian Trans Corporation» JShS.

Foto: Mańǵystaý oblysy ákiminiń baspasóz qyzmeti

Buǵan deıin habarlanǵandaı, Oljas Bektenov Mańǵystaý oblysynda sýbsıdııalanatyn ishki avıareısterdi ulǵaıtýdy tapsyrǵan edi.