Mańǵystaýda afroamerıkalyq búldirshin memlekettik rámizdermen tanysty

<p>AQTAÝ. KAZINFORM - Memlekettik rámizder kúni Teńge aýylyndaǵy &laquo;Aıbolat&raquo; balabaqshasynda merekelik shara ótti.</p>

Búldirshinderge memlekettik rámizderdi tanystyryp, ulttyq nyshandarǵa súıispenshiligin arttyrý maqsatynda uıymdastyrylǵan sharada Adaı esimdi afromerıkalyq búldirshinniń patrıottyq sezimin erekshe atap ótýge bolady.

Ol basqa balalarmen birge ánurandy bar yntasymen shyrqap, Memlekettik Týmen tanysty.

Foto: Mańǵystaý oblystyq qoǵamdyq kommýnıkatsııalar ortalyǵy

Aıta keteıik, 2021 jyly álemdi koronavırýs indeti sharpyǵan ýaqytta Jańaózen qalasyndaǵy perzenthanada afroamerıkalyq sábı dúnıege kelgen bolatyn. Oǵan «Adaı» dep at qoıyldy.

Ol týraly Kazinform «Qazaqtyń saltymen tárbıelenip jatqan Adaı Qazaqstannyń azamattyǵyn alǵysy keledi», degen taqyrypta materıal jarııalaǵan edi.

Búginde 3 jasar Adaı Teńge aýylyndaǵy «Aıbolat» balabaqshasynyń kishi tobynda tárbıelenýde. Ákesi Fraıdeı Adere men anasy Mersı Adere til úırený kýrstarynda aǵylshyn tilinen sabaq beredi.