Mańǵystaýda 7 myńnan astam múmkindigi shekteýli adamnyń quqyǵy buzylǵan

<p>Mańǵystaýda bıyl 7 myńnan astam múmkindigi shekteýli adamnyń quqyǵy buzylǵan. Ásirese ınvataksı qyzmetinde zańbuzýshylyqtar kóbirek tirkelgen, dep habarlaıdy <a href="Kazinform" target="_blank" rel="noopener">Kazinform</a>.</p>

Invataksı qyzmeti zań boıynsha úzilissiz, demalys jáne mereke kúnderi jumys isteýi tıis bolsa, olar tek 8 saǵat qyzmet kórsetken. Sondaı-aq múgedektigi bar 3 myńnan astam adam ońaltý-saýyqtyrý sharalarynan shet qalǵan. Óıtkeni, jaýapty mekeme 66 mln teńge qarjyny tıisti maqsatta jumsamaı, ustap otyrǵan. 100-ge jýyq múgedek medıtsınalyq tekserýden qaıta ótýge májbúr bolǵan. Buǵan dárigerlerdiń tıisti qujattardy durys toltyrmaýy sebep bolǵan.

Qaladaǵy áleýmettik nysandardyń 100-den astamy múgedektigi bar adamdar úshin talapqa saı emes. Nátıjesinde jaýapty tulǵalarǵa 7,5 mln teńge aıyppul salynǵan.

- Oblys aýmaǵyndaǵy ınfraqurylym obektileri tıisti talaptarǵa sáıkes emes ekeni anyqtaldy. Olardyń basshylary qadaǵalaý aktisimen 7,5 mln teńge tóleý boıynsha ákimshilik jaýaptylyqqa tartyldy. Prokýrorlyq qadaǵalaý aktisimen jartysynan kóbi talaptarǵa sáıkestendirildi, - dedi Mańǵystaý oblystyq prokýratýrasynyń basqarma basshysy Mergen Meńdiǵalıev.