Mańǵystaýda 600-den astam júk kóligi qar qursaýynan shyǵaryldy

<p>Mańǵystaýda ótken apta aýa raıynyń kúrt ózgerýine baılanysty respýblıkalyq tas joldardy qar basyp, kóktaıǵaq boldy. Qar qursaýynda qalǵan 600-den astam júk kóligi shyǵaryldy, dep habarlaıdy <a href="Kazinform" target="_blank" rel="noopener">Kazinform.</a></p>

«QazAvtoJol» UK» AQ Mańǵystaý oblystyq fılıaly jol qozǵalysy qaýipsizdigin qamtamasyz etý maqsatynda Tótenshe jaǵdaılar jáne Іshki ister departamentimen kelisim boıynsha avtojoldardyń jekelegen ýchaskelerinde qozǵalysty ýaqytsha shektedi. Qardan tazartý jumystaryna 25 tehnıka, 40 adam jumyldyrylǵan.

540 tekshe metr kóleminde kóktaıǵaqqa qarsy qospa shashqan.

17-18 jeltoqsanda da aýa raıynyń nasharlaýy boljanǵan. Sondyqtan mamandar Tótenshe jaǵdaılar departamentiniń dıspetcherlik qyzmetiniń habarlamalaryna muqııat bolýǵa jáne aýa raıy nasharlaǵan kezde qala syrtyndaǵy joldarǵa shyqpaý kerektigin eskertip otyr.