Mańǵystaýda 59 jastaǵy er adamdy urlap, óltirdi degen kúdikpen 2 adam ustaldy

<p>AQTAÝ. KAZINFORM &ndash; Jelide taraǵan aqparatqa sáıkes, Mańǵystaý oblystyq polıtsııa qyzmetkerleri 59 jastaǵy er adamdy urlap, óltirdi degen kúdikpen eki áskerı qyzmetshini ustaǵan.</p>

Tergeý málimetteri boıynsha, kúdiktiler óltirgen adamnyń basyn kesip, kómip tastaǵan. Taǵy bir kúdikti ustatpaı qashyp júr.

Bul aqparatty polıtsııa departamenti rastady.

"Adam urlyǵy men óltirý derekteri boıynsha 2 kúdikti ýaqytsha ustaý ızolıatoryna qamaldy. Úshinshi kúdiktini ustaý boıynsha jedel-izdestirý sharalary júrgizilýde. Tergeý amaldary júrgizilip jatyr. Ózge aqparat tergeý múddesi úshin jarııa etilmeıdi", - deıdi oblystyq polıtsııa departamentiniń baspasóz hatshysy Áıgerim Ibatýllaeva.

Sondaı-aq, qamaýǵa alynǵan eki kúdiktiniń bireýi burynǵy áskerı qyzmetshi.