Mańǵystaýda 15 mektep úsh aýysymmen jumys isteıdi

<p>Mańǵystaý oblysynda 15 mektep úsh aýysym boıynsha jumys isteıdi. Mektep jetispeýshiligi Aqtaý, Jańaózen qalalary men Munaıly, Túpqaraǵan aýdandaryndaǵy bilim oryndarynda bar, dep habarlaıdy Kazinform.</p>

Atalǵan qala, aýdandarda jyl saıyn oqýshylar sany artyp keledi. Máselen, byltyr 175 myń bilim alýshy bolsa, bıyl olardyń qatary 183 myńǵa artqan.

Al óńirde "Jaıly mektep" ulttyq jobasy aıasynda salynatyn 21 mektep arqyly bul másele sheshilmek. Mektepterdiń qurylys jumystary 2025 jyly aıaqtalady dep josparlanǵan.

- Zamanaýı úlgidegi balalardyń oqý-tárbıe protsesindegi qajettilikterin qamtamasyz etetin bilim ordalary bolmaq. Sondyqtan balalarǵa 21 zamanaýı úlgidegi mektep óziniń esigin 2025 jylǵa deıin aıqara ashatyn bolady. 21 mektep bul eki aýysymmen eseptegende 44 myń oryndy qamtıdy. ıAǵnı 2026 jylǵa deıin bizde úsh aýysymdy mektep máselesi túbegeıli sheshiledi dep senemiz, - dedi Mańǵystaý oblystyq bilim basqarmasynyń bólim basshysy Klara Qulataeva.