Mańǵystaýda 145 mln teńgege satyp alynǵan óner mektebi talapqa saı bolmaı shyqqan

<p>Mańǵystaýdaǵy Aqshuqyr aýylynda 145 mln teńgege satyp alynǵan óner mektebi talapqa saı bolmaı shyqqan. Bul týraly ADILDIK JOLY qoǵamdyq birlestiginiń fılıalynan málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.&nbsp;</p>

Óner mektebine arnalǵan ǵımaratty satyp alýǵa 145 mln teńge jumsalǵan.

Monıtorıng kezinde eriktiler ǵımarattyń tehnıkalyq talaptarǵa saı kelmeıtinin anyqtaǵan.

Tehnıkalyq talapta 32 kabınet bolýy kerek bolsa, satyp alynǵan ǵımaratta 19 kabınet ǵana bar.

Al mektepte bes sanıtarlyq toraptyń bireýi de joq. Nysan oqý jylynyń basynda ashylǵan.

- Ortalyqtyń jumys istep bastaǵanyna bir aıdan asty. Onda 500-ge jýyq bala qosymsha bilim alady. Mektepte órt qaýipsizdigi qamtamasyz etilmegen. Bir de bir órt dabyly datchıgi ornatylmaǵan, órt sóndirgishter joq. Biz eriktilermen birlesip, mektep ókilderiniń qatysýymen monıtorıng júrgizdik. Nátıjesinde  memlekettik satyp alý shartynyń talaptarynda kórsetilgen bir de bir sáıkestik joq ekenine kóz jetkizdik, - dedi ADILDIK JOLY RQB fılıalynyń dırektory Asqar Jaqsybaev.

Qoǵamdyq uıymnyń monıtorıngi barysynda anyqtalǵan faktilerdi rastaýǵa sybaılas jemqorlyqqa qarsy is-qımyl jónindegi tıisti organdar aralasýy múmkin.

Qazirgi ýaqytta aýdıtorlyq tekserý taǵaıyndalǵan.