Mańǵystaýda 10 jasar qyzǵa ıntımdik sıpattaǵy habarlama jazǵan jigit ustaldy

<p>Mańǵystaý oblysy Munaıly aýdanynda 10 jasar qyzǵa WhatsApp messendjeri arqyly ıntımdik sıpattaǵy habarlama jazǵan 19 jastaǵy jigit ustaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Kúdiktiniń is-áreketi boıynsha tergeý bastaldy. Bul týraly Mańǵystaý oblystyq Polıtsııa departamentiniń baspasóz qyzmetinen málim etti.

8 jeltoqsanda polıtsııaǵa áıel óziniń 10 jasar qyzyna belgisiz adam WhatsApp messendjeri arqyly ıntımdik sıpattaǵy habarlama jazady degen málimdeme jasaǵan.

Áıel habarlama jazǵan adammen qyzynyń uıaly telefonynan sóılesip, kezdesý uıymdastyrǵan. Er adam belgilengen jerge kólikpen kelgende vıdeoǵa túsirip, sol arqyly polıtsııaǵa júgingen.

- Polıtsııa 19 jastaǵy jigitti ustady. Bul fakt QR Qylmystyq kodeksiniń 124-baby 1-bóligi boıynsha tirkelgen. Tergeý júrgizilip jatyr.Tergeý múddesi úshin basqa aqparat jarııa etilmeıdi, - delingen baspasóz málimetinde.