Mańǵystaý óńirine Tatarstannan kelgen alǵashqy reısten 100-ge jýyq týrıst tústi
Aıta keteıik QR Prezıdenti Qasym-Jomart Toqaev Mańǵystaý oblysynyń ákimi Nurdáýlet Qılybaıǵa óńirdegi týrızmdi damytýdy jiti tapsyrǵan bolatyn. Tapsyrma aıasynda jumystar atqarylýda.
Mańǵystaýda týrıstik maýsymnyń bastalýyna oraı Rixos Water World Aktau kompanııasy týrısterdi qarsy alý dástúrin jalǵady. Reseıden, Tatarstan Respýblıkasynan alǵashqy charterlik reısi búgin Aqtaýǵa keldi. Mańǵystaý oblystyq týrızm basqarmasynyń basshysy Nurádil Imanǵalıev týrızm salasyn damytý, týrıster aǵynyn arttyrý boıynsha atqarylǵan is-sharalar týraly pikir bildirdi.
- Mańǵystaýda týrızm, kólik jáne logıstıka salalaryn damytý baǵytynda birqatar jumys atqarylýda. Búginnen bastap Reseı, Tatarstan Respýblıkasynan Kazan-Aqtaý baǵyty boıynsha jańa charterlik reısi ashyldy, týrısterdi aptasyna bir ret qarsy alatyn bolamyz. Ár reıs aıasynda shamamen 100 jolaýshy keledi dep kútilýde. Atalǵan, jańa reıstiń ashylýy týrıster aǵyny arttyrý turǵyda kóp septigin tıgizedi. Onymen qosa Mańǵystaý men Tatarstan arasyndaǵy mádenı jáne ekonomıkalyq baılanystardy ornatýǵa úlken múmkindik beredi,- dedi Nurádil Imanǵalıev
Týrısterdi arnaıy án-shashýmen, keremet kóńil kúımen qarsy aldy. Osy turǵyda, Kazan qalasynyń turǵyny, ózindik áserimen bólise ketti.
- Búgin biz Kazan qalasynan arnaıy Mańǵystaý óńirine kelýdemiz. Aqtaý qalasyn ıaǵnı óńirdi zerttep, keremet áserge keneletinime senimdimin. Týrıstik aımaqtyń biri bolǵandyqtan búkil otbasymmen keldim. Olarǵa ýaqyttyń tyǵyzdyǵyna qaramaı, barlyǵyn kórsetkim keledi. Aqtaýǵa sapar yńǵaıly ári jaıly boldy. Shamamen, 2 saǵatqa jýyq ushtyq. Sondaı-aq, jańa kirgen sátten bastap, sizderdiń qonaqjaı ekenderińizge kózim jetti. Óte qýanyshtymyz, dál osylaı erekshe kútip alady dep oılamadyq. Balalar da óte qýanyshty, rahmet,- dedi Anastasııa Kýngýrova, týrıst, Kazan qalasynyń turǵyny.