Mańǵystaý óńirinde vaktsına almaǵan balalar qyzylsha juqtyrýda

<p>Mańǵystaý oblysy, Tupqaraǵan aýdanynyń Saıyn Shapaǵatov jáne Aqshuqyr aýyldarynda úsh bala qyzylsha juqtyrdy. Balalardyń bári aýrýǵa qarsy ekpe almaǵan, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Eki bala ekpe almaǵan, al bireýinde vaktsınaǵa medıtsınalyq qarsy kórsetilim bolǵan.

«Qazirgi ýaqytta naýqas balalar Aqtaý qalasyndaǵy juqpaly aýrýlar aýrýhanasynda emdelip jatyr. Aýdannyń qyzylshaǵa qarsy egilmegen 1-30 jas aralyǵyndaǵy turǵyndaryna vaktsınatsııadan ótýdi usynamyz. Qyzylshanyń aldyn alý ádisi – vaktsına alý. Qurmetti ata-analar, balalarymyzdy qyzylshadan qorǵaıyq. Qyzylshaǵa qarsy egý 1 jastan 6 jasqa deıin júrgiziledi», – dedi Túpqaraǵan aýdany ákimdiginiń baspasóz qyzmetinen.