Mańǵystaý óńirinde úshemdi aýrýhanadan shyǵaryp alýǵa bir top áskerı keldi

<p><span style="font-family: sans-serif; font-size: 18px;">Mańǵystaý oblysynda dúnıege kelgen úshemdi aýrýhanadan bir top áskerı qyzmetshi sán-saltanatpen shyǵaryp aldy, dep habarlaıdy QazAqparat.</span></p>

Jalpy Mańǵystaý óńiri elimizde tek ekonomıkalyq turǵyda ǵana emes, demografııalyq jaǵynan da kósh bastap tur. 2022 jyly týý kórsetkishi boıynsha óńirler reıtıngisinde 28,5 kórsetkishpen birinshi orynǵa ornalasty.

Aqtaý qalasynyń turǵyny Dınara Ahatova úshinshi sábıine júkti bolǵanda dúnıege úshem ákeletinin múldem oılamaǵan. Mańǵystaý oblysynyń Ulttyq qaýipsizdik komıtetiniń Shekara qyzmetinde eńbek etetin maıor Erǵalı Tóreáli men jubaıy Dınara úshin bul kútpegen qýanysh edi. 11 tamyzda dúnıege kelgen úshemderge: Aısha, Abzal, Aǵzam esimderi berildi.

Osylaısha Erǵalı men 26 jastaǵy Dınara bir kúnde kópbalaly otbasyǵa aınaldy. Tuńǵyshtary – Medına úsh jasta, ekinshisi – Aıbar eki jasta.

Bir aıǵa jýyq oblystyq Ana men bala ortalyǵynyń basshysy, akýsher-gınekolog Japyraq Keńeshanqyzy men neanatolog-dáriger Toıdyq Jumaǵanbetovanyń tikeleı baqylaýynda bolǵan kelinshek 13 qyrkúıek kúni perzenthanadan úıge shyǵaryldy.

Áriptesiniń qýanyshyna ortaqtasyp Ulttyq qaýipsizdik komıteti Shekara qyzmetiniń ofıtserleri perzenhanadan shyǵaryp alý sharasyna bir adamdaı qatysqan. Erǵalı Tóreáliniń basshylyǵy Otan aldynda abyroıly qyzmet etip júrgen kópbalaly ákege barynsha qoldaý kórsetiletinin atap ótti.