Mańǵystaý oblystyq qýyrshaq teatry Halyqaralyq qýyrshaqtar festıvalinde Gran-prı jeńip aldy
Mádenıet jáne aqparat mınıstrliginiń málimetinshe, ujym І «Stanıslav Jelezkın atyndaǵy syılyq» halyqaralyq qýyrshaqtar festıvaline qatysty. Eki mańyzdy is-shara qatar ótti. Biri – «Chaepıtıe v Mytışah» festıvli jáne 2019 jyly qalalyq okrýg ákimshiligi qurǵan Reseıdiń Halyq ártisi Stanıslav Jelezkın atyndaǵy teatr syılyǵy beriletin festıval uıymdastyryldy.
Baıqaý tartysty ótti. Birinshi kezeńde álemniń túkpir-túkpirinen kelgen teatrlardan 68 ótinim kelip tústi. Olardyń tek 12-si ekinshi kezeńde óner kórsetti. Mańǵystaý teatry osy irikteýden ótkenderdiń biri boldy.
Festıvalǵa repertýardaǵy úzdik spektaklderdiń biri, bas rejısser N.Nasyrovanyń «Babalar jeri» atty spektakli usynyldy. Bul spektaklde akter Erjan Bıǵashev barlyq rólderdi ózi somdaıdy. Qoıylym qazaqtyń ulttyq fılosofııasynyń tereńdigin jetkizip, qazylar alqasyn erekshe energııasymen baýrap aldy jáne festıvaldiń basty marapaty — «Úzdik sheteldik spektakl» nomınatsııasy boıynsha Gran-prıdi jeńip aldy.
«Babalar jeri» spektakli birneshe ret halyqaralyq baıqaýlarda jeńimpaz atanǵan. 2022 jyly qoıylym VI Halyqaralyq «Assalaýmaǵaleıkým» qýyrshaq teatrlary festıvalinde úzdik akterlik sheberlik úshin marapattaldy. Al, 2023 jyly Sankt-Peterbýrgtegi «KÝKART» festıvalinde «Otan týraly úzdik spektakl», «Quralaıda» «Úzdik rejısserlik jumys» jáne Almaty Puppet Festival-de «Úzdik dramatýrgııa» nomınatsııalaryn ıelengen.