Mańǵystaý oblystyq kámeletke tolmaǵandardy beıimdeý ortalyǵynan qarjy jymqyrylǵan

<p>Aqtaý qalasynyń prokýratýrasy ata-anasynyń qamqorlyǵynsyz qalǵan jetim balalarǵa, sondaı-aq múgedek balalarǵa arnaýly medıtsınalyq-əleýmettik qyzmetter kórsetetin densaýlyq saqtaý jəne əleýmettik qorǵaý júıesiniń mekemeleriniń qyzmetine tekserý júrgizdi.</p>

Tekserý nátıjelerimen órt qaýipsizdigi, eńbek, áleýmettik qorǵaý jáne sanıtarlyq-epıdemıologııalyq baqylaý zańnamalary salasynda zańdylyqtyń buzylýlary anyqtaldy, dep habarlaıdy Kazinform Mańǵystaý oblysynyń prokýratýrasyna silteme jasap. 

Sonymen qatar bıýdjet qarajatyn jymqyrý deregi anyqtaldy.

2022 jyly oblystyq kámeletke tolmaǵandardy beıimdeý ortalyǵynyń burynǵy dırektory óziniń týmalastaryn jumysqa zańsyz ornalastyryp, is júzinde jumys jasamaı (óli jandar), aı saıyn jalaqylary tólenip, syıaqylary negizsiz eseptelip, olardyń esep shottaryna 2,6 mln. teńge aýdarylǵan.

Burynǵy dırektordyń is-áreketinde bıýdjet qarajatyn jymqyrý qylmystyq quqyq buzýshylyq quramynyń baıqalýyna baılanysty, prokýrorlamen QR QK-niń 189-baby 3-bóliginiń 2) tarmaqshasynda kózdelgen sotqa deıingi tergep-tekserý bastaldy.

Tergeý is-qujattary Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentine joldandy.

«Basqa da anyqtalǵan zańdylyqtyń buzylýlary boıynsha prokýrorlyq qadaǵalaý aktileri engizilip, 2 mekeme dırektoryna 7 ákimshilik is-qujattary toltyryldy»,-delingen habarlamada.