Mańǵystaý oblysynyń bas ekology taǵaıyndaldy

<p>AQTAÝ. KAZINFORM - Mańǵystaý oblysy boıynsha ekologııa departamentiniń basshysy laýazymyna Armat Júsipqalıev bekitildi. Jańa basshyny elimizdiń ekologııa jáne tabıǵı resýrstar mınıstrligi ekologııalyq retteý jáne baqylaý komıteti tóraǵasynyń orynbasary Ermek Omarov ujymǵa tanystyrdy.</p>

Armat Jalǵasbaıuly 1981 jyly Batys Qazaqstan oblysynda dúnıege kelgen. Eki joǵary bilimi bar. 2002 jyly Batys Qazaqstan memlekettik ýnıversıtetin «Ekologııa jáne tabıǵatty paıdalaný» mamandyǵy boıynsha, sonymen qatar 2005 jyly M.Ótemisov atyndaǵy Batys Qazaqstan memlekettik ýnıverstıtetin zańger mamandyǵy boıynsha támamdaǵan.

Foto: Mańǵystaý oblystyq ekologııa departamenti

2002 jyldyń qyrkúıek aıynan «INTEK» JShS ekology, 2004 jyldyń tamyzynan «Tehnopark «Algorıtm» JShS tehnolog menedjeri, 2006 jyldyń mamyrynan «OralAgroRemmash» AQ prezıdentiniń kómekshisi, 2008 jyldyń maýsymynan «JaıyqMunaı» JShS Qaýipsizdik tehnıkasy, eńbekti qorǵaý jáne qorshaǵan ortany qorǵaý bóliminiń qaýipsizdik tehnıkasy, eńbekti qorǵaý jáne qorshaǵan ortany qorǵaý ınjeneri boldy.

2011 jyldyń qyrkúıek aıynan «Pavlodar zaýyty Temirmash» JShS bas ınjeneri. 2014 jyldyń qarasha aıynan «NADLoS» jergilikti qamtýdy damytý ulttyq agenttigi» AQ Ónerkásipti damytý departamentiniń menedjeri. 2017 jyldyń qazan aıynan «KAZAKH INVEST» Ulttyq kompanııasy» AQ «OKD» baqylaý tobynyń jetekshisi, bas menedjeri. Departament basshysy otbasyly. Búginde úsh bala tárbıelep otyr.

Ermek Qasymǵalıuly Armat Jalǵasbaıulyn jaýapty laýazymǵa taǵaıyndaýdan keıin óńirdiń ekologııalyq problemalaryn sheshýge qatysty tıisti mindetterdi júktedi.