Mańǵystaý oblysyndaǵy munaı kásiporyndary mıllıard teńge qarjy jymqyrǵan

<p>AQTAÝ. KAZINFORM &mdash; Mańǵystaý oblysynyń prokýratýrasy ekonomıkalyq tergeý departamenti, sybaılas jemqorlyqqa qarsy qyzmetimen birlesip munaı-gaz salasynyń 5 kásipornynda tekserý júrgizip jatyr. Bul týraly Mańǵystaý oblysynyń prokýratýrasy málim etti.</p>

«OılTransportKorporeıshn» JShS-niń («QazMunaıGaz» UK AQ enshiles kásiporny) laýazymdy tulǵalary taýar jetkizýshiden 1,5 mlrd teńgeden astam somaǵa tehnıkalyq erekshelikke sáıkes kelmeıtin avtobýstardy qabyldaǵany anyqtaldy. Bul rette olardyń quny 400 mln teńgege joǵarylatylǵan», - delingen habarlamada.

Jumys istelmegen arnaıy tehnıka qyzmetteri úshin 110 mln teńge mólsherinde aqsha qarajatyn aýdarý faktileri belgili boldy.

«West Oil Software» JShS-de («OılTransportKorporeıshn» JShS merdigerlik uıymy) jumys istemegen adamdarǵa 400 mln teńgeden astam jalaqy tóleý, kompanııa basshylyǵynyń jaqyn týystaryn qosa alǵanda negizsiz jalaqy esepteý derekteri oryn alǵan», - dep habarlady oblystyq prokýratýranyń baspasóz qyzmeti. 

Atalǵan buzýshylyqtar boıynsha Qylmystyq kodekstiń 189-babynyń 4-bóligi (senip tapsyrylǵan bóten múlikti iri mólsherde berý nemese jymqyrý) boıynsha 5 sotqa deıingi tergep-tekserý bastaldy. Protsestik prokýrorlar taǵaıyndaldy.

Sotqa deıingi tergep-tekserý sheńberinde atalǵan uıymdardyń 4 basshy laýazymdy tulǵalary ustaldy.

Qylmystyq ister oblystyq ekonomıkalyq tergeý departamentiniń óndirisinde.

Basqa málimetter tergeý múddesi úshin jarııa etilmeıdi.