Mańǵystaý oblysynda «Sax Invest» qarjy pıramıdasy bólimshesiniń basshysy ustaldy

<p>ASTANA. KAZINFORM &ndash; Qarjy monıtorıngi agenttiginiń Mańǵystaý oblysy boıynsha departamenti óńirde &laquo;Sax Invest&raquo; qarjy (ınvestıtsııalyq) pıramıdasynyń qurylymdyq bólimshesin basqarǵan tulǵalar tobyna qatysty sotqa deıingi tergeý júrgizýde, dep habarlaıdy agenttiktiń baspasóz qyzmeti.</p>

«Sax Invest» kompanııasy ózin ınvestıtsııalyq qor, baǵaly qaǵazdardy, qarjy quraldaryn jáne basqa da aktıvterdi ustaýshy, sondaı-aq Afrıkadaǵy almaz óndirý jónindegi jahandyq halyqaralyq jobanyń qatysýshysy retinde kórsetti. Kompanııa tirkeýden ótpegen jáne qarjy naryǵynda qyzmetti júzege asyrýǵa lıtsenzııasy bar uıymdardyń tiziliminde joq. «Sax Invest» qyzmetiniń qarjy pıramıdasyna tán belgileri:

- jyldyq 24-36%-ǵa deıin joǵary kiristilikti ýáde etip, buqaralyq aqparat quraldaryna jáne ınternetke agressıvti jáne jappaı jarnama berý;

- uıymnyń qarjylyq jaǵdaıy, menshikti negizgi quraldary, basqa aktıvteri týraly qandaı da bir aqparattyń bolmaýy.

2018 jyldan 2022 jylǵa deıingi kezeńde 1000-nan astam pıramıda salymshylary 1 mlrd teńgeden asa qarajat aýdarǵan.

Oblys prokýratýrasynyń úılestirýimen pıramıdanyń qurylymdyq bólimshesin basqarǵan QR azamaty kúdikti retinde ustalyp, ýaqytsh ustaý ızolıatorny qamaýǵa alyndy.

Qazirgi ýaqytta tergeý áreketteri júrgizilýde, QPK-niń 201-babyna sáıkes ózge de aqparat jarııalaýǵa jatpaıdy.

Fılıaldary respýblıka boıynsha istegen jasaǵan «Sax Invest» qarjy pıramıdasynyń uıymdastyrýshysy S.Meńdiǵalıevke halyqaralyq izdeý jarııalandy.

Sondaı-aq, elordada «Sax Invest» kompanııasy dırektorynyń ustalǵany jaıynda buryn habarlanǵan bolatyn. Sotqa deıingi tergeý jalǵasýda.

«Qarjy pıramıdalaryna qarsy is-qımyl» arnaıy jobasy júzege asyryla bastaǵannan beri «Qnet», «World Business Consulting», «Finiko» «Antares»/«Antares Trade», «Sincere Systems Group»/«S-Group», «Hermes LTD», «Life is good», «Chia Tai Tianding»/«Chia Tai Pharmaceutical» «Energy Eolus Oazqstan»/«Eolus» sııaqty qarjy pıramıdalarynyń qurylymdyq bólimsheleriniń uıymdastyrýshylary jaýapqa tartyldy.

Eger siz jáne sizdiń jaqyndaryńyz atalǵan qarjy pıramıdasynyń qyzmetine tap bolsa, turǵylyqty jerińiz boıynsha Ekonomıkalyq tergep-tekserý departamentine habarlasýyńyzdy suraımyz.

QMA adam aqsha salǵysy keletin kompanııany qarjy pıramıdasynyń belgilerine tekserýge múmkindik beretin telegram botty iske qosty.

«Sonymen qatar, mundaı quqyq buzýshylyqtar úshin ustalǵan barlyq jalǵan jobalardyń tizimi Agenttiktiń saıtynda jarııalanǵan. Azamattardy qyraǵy bolýǵa jáne óz jınaqtaryn kúmándi qarjy uıymdaryna salmaýǵa shaqyramyz»,- delingen QR QMA baspasóz qyzmeti taratqan habarlamada.

Osyǵan deıin úsh myńnan astam salymshyny aldap soqqan «Sax Invest» qarjy pıramıdasyn qurǵandardyń biri ustalǵany týraly jazǵan edik.

Sondaı-aq Mańǵystaýda bir top turǵyn alaıaqqa jem bolǵandaryn aıtyp, oblystyq prokýratýranyń aldyna jınaldy.