Mańǵystaý oblysynda ıtbalyqtar vırýstan qyrylǵan

<p>AQTAÝ. KAZINFORM &ndash; Bul týraly Almatydaǵy mıkrobıologııa jáne vırýsologııa ǵylymı ortalyǵynyń zerthana meńgerýshisi Aıdyn Qydyrmanov málimdedi.</p>

Eske salaıyq, Mańǵystaýda qazan-qarasha aılarynda Túpqaraǵan jáne Qaraqııa aýdandary aýmaǵyndaǵy teńiz jaǵalaýynan 2 myńǵa jýyq óli ıtbalyq tabylǵan bolatyn. Osy kezde ǵylymı ortalyqtyń qyzmetkerleri Mańǵystaýǵa kelip, ólekselerden synamalar alǵan. Sol synamalardyń alǵashqy nátıjesi shyqty. Mamandar molekýlıarlyq-genetıkalyq taldaý júrgizip, ıtbalyqtardyń mıy men ókpe tinderinen jańa vırýstyq juqpaly aýrý tapqan.

- Sol synamalardyń barlyǵynda vırýs boldy. Bul - vırýstyq neıroınfektsııa. Al endi onyń janýardyń mıynan tabylǵany osy aýrýdyń birden bir sebebi - vırýs ekenin dáleldeıdi, - deıdi ortalyqtyń vırýstar ekologııasy zerthanasynyń meńgerýshisi Aıdyn Qydyrmanov.

Mamannyń aıtýynsha, bul vırýs ımmýndyq jetispeýshilikten bolady. Ǵylymda áli tolyq sıpattalmaǵan, anyqtalmaǵan dert. Teńiz sút qorektilerine tán vırýstyq ınfektsııa.

Buǵan deıin, Mańǵystaýda Kaspıı teńiziniń jaǵalaýynan taǵy da 121 ıtbalyqtyń óleksesi tabylǵany týraly jazǵan bolatynbyz.

Sodan soń ıtbalyq ólekseleriniń eki myńǵa jýyqtaǵany habarlandy.

Artynsha ıtbalyqtardyń qyrylýyna qatysty alǵashqy saraptamanyń qorytyndysy jarııalandy.