Mańǵystaý oblysynda alıment tóleýden jaltarǵan 65 turǵyn jaýapqa tartyldy

<p>Mańǵystaý oblysynyń prokýrorlary alıment tólemegeni úshin 65 jergilikti turǵyndy ákimshilik jaýapqa, 18 tulǵany qylmystyq jaýapqa tarty, dep habarlaıdy<a href="https://kaz.inform.kz/search_results/?q=%D0%B0%D0%BB%D0%B8%D0%BC%D0%B5%D0%BD%D1%82&amp;page=2" target="_blank" rel="noopener"> QazAqparat</a> oblystyq prokýratýranyń <a href="https://t.me/GenPr" target="_blank" rel="noopener">baspasóz </a>qyzmetine silteme jasap.</p>

Taldaý barysynda 1,4 mln teńge bereshegi bola tura, tabys kózin jasyryp jáne alıment tóleýden birneshe jyl boıy jaltaryp júrgen «N» esimdi azamat anyqtaldy.

Ákimshilik sot azamat «N» ákimshilik quqyq buzýshylyq týraly kodeksiniń 669-babynyń 1-bóligimen kináli dep taýyp, 2 táýlikke qamady.

Sonymen qatar prokýrorlar 3 balanyń ákesimen ata-analyq mindetterin tıisti túrde oryndamaı, alıment tóleýden jaltarý faktisin anyqtady.

Kórsetilgen tulǵa turaqty tabys kóziniń bolýyna qaramastan 3,3 mln teńge alıment bereshegin tóleýden jaltaryp júrgen.

Qalalyq sot «F» esimdi azamat Qylmystyq kodekstiń 139-baby boıynsha kináli dep taýyp, oǵan qatysty 100 saǵat qoǵamdyq jumys jáne 1 jyl bas bostandyǵynan shekteý týraly úkim shyǵardy.

Budan bólek, alıment tóleýden jaltaryp júrgen 17 tulǵaǵa qatysty sotqa deıingi tergep-tekserý júrgizilýde.

«Prokýratýra budan buryn birneshe ret alıment tólemeýdiń quqyqtyq saldary týraly eskertken jáne azamattardy ózderiniń ata-analyq mindetterine adal qaraýǵa shaqyrady. Búgingi tańda oblys prokýratýrasy kámeletke tolmaǵandardyń quqyqtaryn qorǵaý jáne qalpyna keltirý baǵytynda belsendi jumystar atqarýda»,-delingen Mańǵystaý oblysynyń prokýratýrasy taratqan málimette.