Mańǵystaý oblysy týrızm basqarmasynyń basshysy taǵaıyndaldy

<p>ASTANA. KAZINFORM &ndash; Mańǵystaý oblysynyń ákimi Nurdáýlet Qılybaıdyń ókimimen Ersin Ibrashev Mańǵystaý oblysy týrızm basqarmasynyń basshysy bolyp taǵaıyndaldy, dep habarlaıdy oblys ákimdiginiń baspasóz qyzmeti.</p>

Jańa basqarma basshysyn ujymǵa oblys ákiminiń orynbasary Abbat Órisbaev tanystyrdy.

Ersin Ibrashev 1989 jyly týǵan. Bilimi joǵary. 2013 jyly Qytaı munaı ýnıversıtetin munaı-gaz isi mamandyǵy, 2019 jyly M. Áýezov atyndaǵy Ońtústik Qazaqstan memlekettik ýnıversıtetin halyqaralyq qatynastar mamandyǵy boıynsha bitirgen.

Eńbek jolyn 2014 jyly ınjener-tehnolog bolyp bastaǵan. 2015-2016 jyldary jeke kompanııalarda basshylyq laýazymyn atqardy

2017 jyly «Munaı jáne gaz aqparattyq-taldaý ortalyǵy» AQ Taldaý jáne jobalardy basqarý departamentiniń menedjeri boldy.

2018 jyly QR Ulttyq ekonomıka mınıstrligi Salyq jáne keden saıasaty departamenti Jer qoınaýyn paıdalaný kelisimsharttaryn saraptaý basqarmasynyń bas sarapshysy boldy.

2019 jyly QR Ulttyq ekonomıka mınıstrligi Jobalaýdy basqarý departamenti Jobalaýdy basqarý jóninde memlekettik organdardy úılestirý basqarmasynyń bas sarapshysy laýazymyn atqardy.

2020 jyly QR Ulttyq ekonomıka mınıstrligi Jobalaýdy basqarý departamenti Jobalaýdy basqarý jóninde memlekettik organdardy úılestirý basqarmasynyń basshysy qyzmetine taǵaıyndaldy.

2021 jyly QR Ulttyq ekonomıka mınıstrligi Jobalyq basqarý saıasaty departamenti Memlekettik organdardy jobalyq basqarý boıynsha úılestirý jáne qoldap otyrý basqarmasynyń basshysy boldy.

2023 jyldan osy ýaqytqa deıin Qazaqstan Respýblıkasy Ulttyq ekonomıka mınıstrligi Іshki ákimshilendirý departamenti dırektorynyń orynbasary qyzmetin atqardy.

Buǵan deıin habarlaǵanymyzdaı, Almaty oblysy Іle aýdanynyń ákimi taǵaıyndaldy.