Mańǵystaý oblysy Tótenshe jaǵdaılar departamentinde úsh taǵaıyndaý boldy
Qazaqstan Respýblıkasy Tótenshe jaǵdaılar mınıstriniń 2024 jylǵy 27 jeltoqsandaǵy № 667 j/q buıryǵymen 2025 jyldyń 1 qańtarynan bastap azamattyq qorǵaý podpolkovnıgi Mırbek Karaev Amanqosuly Mańǵystaý oblysy Tótenshe jaǵdaılar departamenti bastyǵynyń birinshi orynbasary laýazymyna taǵaıyndaldy.
Óziniń eńbek jolyn 2002 jyldyń jeltoqsanynan bastap 2004 jylǵy qarashaǵa deıin QR Qarýly kúshter qatarynda qyzmet etýden bastady. Azamattyq qorǵaý organdaryndaǵy qyzmetin 2005 jylǵy jeltoqsanynda Mańǵystaý oblysy boıynsha «Órt sóndirý jáne avarııalyq qutqarý jumystary» MM fılıaly Aqtaý qalasy № 8 Órt sóndirý bóliminiń aǵa órt sóndirýshisi qyzmetinen bastaǵan. 2021 jyldyń qyrkúıeginen bastap 2025 jyldyń qańtaryna deıingi aralyqta QR TJM Mańǵystaý oblysy Tótenshe jaǵdaılar departamenti «Órt sóndirý jáne avarııalyq qutqarý qyzmeti (Aqtaý qalasy)» RMM bastyǵy qyzmetin atqarǵan.
Mańǵystaý oblysy TJD bastyǵynyń 13 jeltoqsan 2024 jylǵy № 157 buıryǵymen Aqtaý qalasy Tótenshe jaǵdaılar basqarmasy bastyǵynyń orynbasary bolyp azamattyq qorǵaý maıory Beken Baltabaıuly Demeshov taǵaıyndaldy.
Demeshov Beken Baltabaıuly 1992 jyly 21 qarashada Mańǵystaý oblysy Aqtaý qalasynda dúnıege kelgen. 2014 jyly Kókshetaý tehnıkalyq ınstıtýtyn bitirgen.
Óziniń eńbek jolyn 2014 jyly «Mańǵystaý oblysy TJD ÓSjAQJQ (Aqtaý qalasy)» RMM № 1 mamandandyrylǵan órt sóndirý bóliminiń aǵa ınjeneri laýazymynan bastaǵan. 2017-2024 jyldar aralyǵynda Aqtaý qalasy № 1 mamandandyrylǵan órt sóndirý bólimi bastyǵy laýazymynda qyzmet atqardy. 2024 jyly maýsym aıynan bastap «Mańǵystaý oblysy TJD ÓSjAQJQ (Aqtaý qalasy)» RMM bastyǵynyń orynbasary laýazymynda jumys jasaǵan.
Mańǵystaý oblysy Tótenshe Jaǵdaılar Departamenti bastyǵynyń 13 jeltoqsan 2024 jylǵy № 157 buıryǵymen Órt sóndirý jáne avarııalyq qutqarý jumystaryn uıymdastyrý basqarmasynyń bastyǵy bolyp azamattyq qorǵaý maıory Berik Hadjı-Rahımuly Búrkitov taǵaıyndaldy.
Berik Hadjı-Rahımuly Búrkitov 1988 jyly 18 qarashada Mańǵystaý oblysy Aqtaý qalasynda dúnıege kelgen.
2016 jyly Kókshetaý tehnıkalyq ınstıtýtyn bitirgen. Óziniń eńbek jolyn 2009-2012 jyly «Mańǵystaý oblysy Tótenshe jaǵdaılar departamenti Órt sóndirý jáne avarııalyq qutqarý jumystary qyzmeti» memlekettik mekemesiniń Aqtaý qalasy № 9 Tehnıkalyq qyzmet órt sóndirý bóliminiń starshınasy laýazymynda, 2012-2021 jyldar aralyǵynda Aqtaý qalasy № 1 mamandandyrylǵan órt sóndirý bóliminiń azamattyq qorǵaý baǵyty boıynsha ártúrli basshy laýazymdarda jumys jasaǵan, 2021-2023 jyldar aralyǵynda Órt sóndirý kezekshilik qyzmetiniń jedel kezekshi laýazymynda jáne 2023 jyly sáýirinen bastap «Mańǵystaý oblysy TJD ÓSjAQJQ (Aqtaý qalasy)» RMM bastyǵynyń orynbasary boldy.
Buǵan deıin Asqar Júsipov Atyraý oblystyq ekologııa departamentin basqaratynyn jazdyq.