Mańǵystaý oblysy Munaıly aýdanynyń ákimi taǵaıyndaldy

<p>AQTAÝ. KAZINFORM &ndash; Qanat Quljanov Mańǵystaý oblysy Munaıly aýdanynyń ákimi bolyp taǵaıyndaldy. Bul týraly Mańǵystaý oblysy ákiminiń baspasóz qyzmeti málim etti.</p>

Qanat Quljanov 1979 jyly Jańaózen qalasynda týǵan, bilimi joǵary.

2001 jyly Qazaq quqyqtaný jáne halyqaralyq qatynastar ınstıtýtyn quqyqtaný mamandyǵy boıynsha bitirgen.

Eńbek jolyn 2002 jyly Mańǵystaý oblysy boıynsha Quqyqtyq statıstıka jáne arnaıy esepke alý ortalyǵynyń bas mamany laýazymynan bastady.

2002-2007 jyldar aralyǵynda Jańaózen, Aqtaý qalalarynda prokýratýra salasynda qyzmet etti.

2007-2012 jyldary Qazaqstan Respýblıkasy Bas prokýratýrasynda Hatshylyqtyń Bas Prokýrorynyń aǵa kómekshisi laýazymyna deıin kóterildi.

2012-2016 jyldar aralyǵynda Baıqońyr qalasynyń prokýrory, 2016-2018 jyldary Qyzylorda oblysy prokýratýrasynyń qoǵamdyq múddelerdi qorǵaý basqarmasynyń basshysy qyzmetin atqardy.

2018-2019 jyldar aralyǵynda Bas kólik prokýratýrasynyń qoǵamdyq múddelerdi qorǵaý basqarmasynyń bastyǵy jáne Bas kólik prokýrorynyń halyqaralyq baılanystar jónindegi aǵa kómekshisi, Bas prokýratýrasy Qoǵamdyq múddelerdi qorǵaý departamentiniń Uıymdastyrý jumysy basqarmasynyń bastyǵy laýazymdaryn atqardy.

2019-2023 jyldary «Qazaqstannyń avıatsııalyq ákimshiligi» AQ quqyqtyq qamtamasyz etý departamentiniń dırektory jáne bas dırektordyń orynbasary qyzmetterin atqardy.

2023 jyldyń aqpan aıynan bastap osy kúnge deıin Mańǵystaý oblysy ákiminiń orynbasary qyzmetin atqaryp keledi.

Depýtattar oblys ákimi usynǵan kandıdatty qoldady.

Aımaq basshysy Nurdáýlet Qılybaı Qanat Quljanovqa aýdannyń áleýmettik - ekonomıkalyq damýyna qatysty birqatar naqty tapsyrmalar berdi.

Eske sala keteıik, buǵan deıin ShQO Kúrshim aýdanyna jańa ákim taǵaıyndalǵanyn jazǵan bolatynbyz.