Mańǵystaý oblysy: Qaraturyn ken ornyndaǵy órt 6 aıdan soń sóndirildi

<p>Mańǵystaý oblysyndaǵy "Bozashy Munaı" JShS kompanııasynyń ıeligindegi ońtústik Qaraturyn ken ornyndaǵy uńǵymada 6 aı boıy janǵan órt sóndirildi, dep habarlaıdy Kazinform.&nbsp;</p>

Ońtústik Qaraturyn ken ornynda oqystan paıda bolǵan órt bıylǵy 9 maýsymnan beri aýyzdyqtalmady. Tilsiz jaýdyń sebebi retinde ónerkásiptik qaýipsizdik komıteti jer qoınaýyn paıdalanýshy men servıstik uıymdardyń jibergen kemshilikterin alǵa tartty. Sarapshylar apat eń joǵarǵy kúrdeli deńgeıde ekenin málimdedi.

Órtti túbegeıli joıý úshin sala mamandary apat bolǵan uńǵymany qosymsha burǵylap, keıin oǵan órt sóndirý eritindisin quıdy.

«Eritindini quıǵannan keıin uńǵymany tsementteý josparlanyp otyr. Osydan keıin qalpyna keltirý jumystary bastalady. Jer qoınaýyn paıdalanýshy kásiporyn ózine qosymsha mindettemeler aldy. Mańǵystaý aýdany ákimdigi men munaı kompanııasy arasynda yntymaqtastyq týraly kelisim jasaldy. Kelisim aıasynda birqatar eldi mekenderdegi áleýmettik jobalarǵa 50 mıllıon teńge bólinedi», - dep jazylǵan kompanııa taratqan aqparatta.