Mańǵystaý oblysy ákiminiń orynbasary taǵaıyndaldy

<p>AQTAÝ. KAZINFORM &ndash; Búgin, 14 qańtar kúni óńir basshysy Nurdáýlet Qılybaı oblys aktıvine kandıdatýrasy QR Prezıdenti ákimshiligimen kelisilgen jańa orynbasary Tilek Kóshmaǵanbetovty tanystyrdy.</p>

Tilek Jetkizgenuly Kóshmaǵanbetov 1979 jyly Mańǵystaý oblysynda týǵan. Bilimi - joǵary.

2002 jyly M.Tynyshpaev atyndaǵy Qazaq kólik jáne kommýnıkatsııalar akademııasyn «Qarjy jáne nesıe» mamandyǵy boıynsha, 2013 jyly Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetin «Quqyqtaný» mamandyǵy boıynsha bitirgen.

Eńbek jolyn 2001 jyly «Neftebank» aktsıonerlik qoǵamynda nesıe bóliminiń mamany qyzmetinen bastap, kepildik berý bóliminiń bas mamany, nesıe bóliminiń menedjeri qyzmetin atqardy.

2006 -2007 jyldary «TM-2006» jaýapkershiligi shekteýli seriktestiginiń dırektory. 2007-2010 jyldary Munaıly aýdandyq kásipkerlik bóliminiń bas mamany, keıin bólim basshysy laýazymyn atqardy. 2010-2012 jyldar aralyǵynda Mańǵystaý oblysy qarjy basqarmasy basshysynyń orynbasary bolyp qyzmet atqardy.

2012-2015 jyldary Jańaózen qalasy ákiminiń orynbasary, 2015 -2019 jyldary Aqtaý qalasy ákiminiń orynbasary boldy. 2019-2022 jyldary Mańǵystaý aýdanynyń ákimi laýazymyn atqardy.

Aıta keteıik, Mańǵystaý oblysynyń turǵyndary elektr jaryǵyn deldalsyz paıdalanatyn boldy.