Mańǵystaý oblysy ákiminiń qarjy-ekonomıkalyq máseleleri boıynsha orynbasary taǵaıyndaldy

<p>AQTAÝ. KAZIFORM - Búgin, 3 maýsym kúni óńir basshysy N.Qılybaı oblys aktıvine jańa orynbasary Abbat Órisbaevty tanystyrdy, dep habarlaıdy oblys ákiminiń baspasóz qyzmeti.</p>

Abbat Jáńgirhanuly Órisbaev 1981 jyly týǵan, bilimi joǵary, 2002 jyly Halyqaralyq eńbek akademııasyn «qarjy jáne nesıe» mamandyǵy boıynsha bitirgen.

Ol ár jyldary «Turan Álem Banki» AQ, «Temirbank» AQ, «Alıans Bank» AQ túrli laýazymdarda eńbek etti.

2015 jyldyń shilde aıynan bastap osy kúnge deıin «ForteBank» AQ Aqtaý qalasy fılıalynyń dırektory qyzmetin atqaryp keldi.

VI, VII saılanǵan Mańǵystaý oblystyq máslıhatynyn depýtaty, ekonomıka jáne bıýdjet máseleleri jónindegi turaqty komıssııasynyń tóraǵasy boldy.