«Máńgilik el» taqyrybyndaǵy ǵylymı jobalar grantqa ıe bolady
Bul týraly mınıstrliktiń Ǵylym komıtetinen habarlady.
Bıylǵy jyly ǵylymı jobalardyń granttaryna jeti basym baǵyt boıynsha 28,6 mıllıard teńge bólingen.
QR Bilim jáne ǵylym mınıstrligi 2018-2020 jyldarǵa arnalǵan ǵylymı jáne ǵylymı-tehnıkalyq jobalar boıynsha granttar kelesi baǵyttarǵa bólinetinin habarlaıdy: tabıǵat jáne sý resýrstaryn tıimdi túrde paıdalaný; geologııa; qaıta óńdeý; jańa materıaldar men tehnologııalar; qaýipsiz ónimder men qurylymdar; energetıka men kólik quraý; aqparattyq, telekommýnıkatsııalyq jáne ǵaryshtyq tehnologııalar; jaratylystaný ǵylymdary salasyndaǵy ǵylymı zertteýler; ómir men densaýlyq boıynsha ǵylymdar;«Máńgilik el» ıdeıasy boıynsha ǵylymı negizdemeler (HHІ ǵasyrdyń qalyptasýy, gýmanıtarlyq ǵylym boıynsha tereń izdenister); agroónerkásip salasynyń damýy men aýyl sharýashylyǵy ónimderiniń qaýipsizdigi; ulttyq qaýipsizdik pen qorǵanys.
«2018-2012 jyldary iske qosylatyn jobalar ekonomıka, óndiris pen áleýmettik salanyń qajettiligin sheshýge baǵyttalady. Bıylǵy jyly granttyq jobalarǵa degen talap kúsheıe tústi», - dep habarlady Ǵylym komıtettiń tóraǵasy Bolatbek Ábdirasylov.
Granttyq qarjylandyrýǵa ótinim qazaq, orys jáne aǵylshyn tilderinde qabyldanady. Sonymen birge, ótinim berýshilerdiń jeke tirkeý nómiri bolýy tıis. Jobany júzege asyrýshylardyń 30 protsenti 35 jasqa deıingi jas mamandar (doktoranttar, PhD, magıstranttar) bolýy kerek.