«Máńgilik El - Muratym» respýblıkalyq aqyndar aıtysynyń irikteý kezeńi ótti (FOTO)
Elbasy, «Nur Otan» partııasynyń Tóraǵasy Nursultan Nazarbaevtyń syndarly saıasatynyń mańyzdy bir tarmaǵy - ulttyq qundylyqtarǵa basa mán berý, máńgilik el bolý jolynda ǵasyrlar boıy qalyptasqan mádenı muralardy kózdiń qarashyǵyndaı saqtaý, keleshek urpaqqa amanattaý. Osy mindettiń aıasynda, qazaq aıtys óneriniń damýyna atsalysý kún tártibindegi másele ekeni anyq. Bul aıtys ta daryndy jas aqyndardyń aqyndyq pen oryndaýshylyq sheberliginiń shyńdala túsip, kópshilikke tanylýyna jáne táýelsizdik ıdeıasyn, eldegi halyqtar dostyǵyn, bereke-birlik pen saıası turaqtylyqty jyrlaýǵa, sol arqyly jas urpaqty adamgershilik, otansúıgishtik qasıetterge tárbıeleýge arnaldy.
Partııanyń qoldaý bildirýimen ótken jyldan beri «Nur Otannyń» 15 jyldyq mereıtoıyna arnalǵan onnan astam halyqaralyq jáne respýblıkalyq deńgeıdegi aqyndar aıtysynyń uıymdastyrylǵany belgili. Buǵan bıyldyń ózinde Taldyqorǵanda «Bir el - bir halyq - bir taǵdyr», Aqtaýda «Bereke basy - birlikte», Tarazda «Otbasym tiregim, otanym júregim», Qaraǵandyda «Erlerim eńbek etken jer», Shymkentte «Shyraıly, shejireli qutty meken», Óskemende «Altaıym - altyn besigim» atty respýblıkalyq aıtystardyń uıymdastyrylýy dálel.
Aıtysty halyqaralyq «Aıtys aqyndar men jyrshy-termeshiler» odaǵynyń basqarma tóraǵasy, qoǵam qaıratkeri, aqyn Júrsin Erman júrgizdi.
Sharaǵa belgili túrkitanýshy, memleket jáne qoǵam qaıratkeri, Qorqyt ata ǵylymı zertteý ortalyǵynyń dırektory Myrzataı Joldasbekov, QR Parlamenti Májilisiniń depýtaty Orazkúl Asanǵazyqyzy, QR Ulttyq sport túrleri qaýymdastyǵynyń prezıdenti, jyrshy-termeshi Bekbolat Tileýhan, Saıası-qoǵamdyq «Ara» jýrnalynyń bas redaktory, Qazaqstan Jazýshylar odaǵy satıra keńesiniń tóraǵasy Kópen Ámirbek, «Qazaqstan Respýblıkasy ardagerler uıymy» RQB Ortalyq keńesiniń tóraǵasy Ómirzaq Ozǵanbaev, Qazaqstannyń halyq ártisi, memlekettik syılyqtyń laýreaty «Parasat» ordeniniń ıegeri Asanáli Áshimov jáne aıtysker aqyn Muhamedjan Tazabek qazylyq etti. Aqyndardyń ónerin qazylar on baldyq júıe boıynsha baǵalady.
Aıtys eki bólimge sozyldy. Birinshi bólimde: Nurmat Mansurov - Orazbaı Bolatbek, Jansaıa Mýsına - Erjan Ámirov, Aınur Tursynbaeva -Aıbek Qalıev, Syrym Áýezhan - Birjan Baıtýov, Erkebulan Qaınazar - Jandarbek Bulǵaqov cóz saıystyrsa, ekinshi bólimde: Qalıjan Bildáshev - Jaqsylyq Orynbasar, Ásem Erejeqyzy - Tólegen Jamanov, Sara Toqtamys - Áset Dúısebaev, Balǵynbek Imashev - Meıirbek Sultanhan, Maqsat Aqanov - Nurlan Musaev, Muhtar Nııazov - Bekarys Shoıbekov syndy aqyndar baq synady.
Búgingi aıtys aqyndarynyń 11 jubynyń jeńimpazdary erteń, 6 jeltoqsanda ótetin fınaldyq aıtys barysynda «Altyn dombyra» ıegeri ataný úshin óner jarystyratyn bolady, dep habarlady «Nur Otan» partııasynyń baspasóz qyzmeti.