«Máńgi el» jýrnaly álemniń 25 eline taralady - E. Sydyqov

ASTANA. 1 qazan. QazAqparat - Jaqynda ǵana jaryqqa shyqqan «Máńgi el» halyqaralyq ǵylymı-kópshilik tarıhı jýrnaly álemniń 25 eline taralady. Bul jóninde búgin Astanadaǵy «Qazmedıa ortalyǵynda» Ulttyq tarıhty zerdeleý jónindegi vedomstvoaralyq komıssııasynyń múshesi, L.Gýmılev atyndaǵy EUÝ rektory Erlan Sydyqov málim etti.

Buǵan deıingi vedomstvoaralyq komıssııa otyrysynda Memlekettik hatshy Marat Tájın tarıh máselelerin qamtıtyn buqaralyq ǵylymı-kópshilik jýrnal shyǵarýdy júktelgen bolatyn. Onyń alǵashqy sany da jurtshylyqtyń qolyna tıdi.

«Bizdiń alǵa qoıǵan basty maqsatymyz - tarıhı sanany buqaraǵa barynsha keńirek taratý. Osy turǵydan alǵanda, el rýhanııatyndaǵy orny oqshaý, parasat-paıymy dara azamattar redaktsııa alqasyna kirgen halyqaralyq mártebesi bar tarıhı jýrnaldyń qazaq, orys, aǵylshyn tilderinde jaryq kórýi eldik pen tarıhymyzdy álemge tanytýdyń bir joly dep bilemiz. Onyń aýdıtorııasy óz oqyrmandarymyz ben shektelmeı alys jáne shetelderdiń kóziqaraqty qaýymyn qamtıdy. ıAǵnı, qazaq tarıhyna qyzyǵatyn planetanyń kez kelgen adamynyń ıgiline aınalady», - dedi jýrnaldyń bas redaktory, Erlan Sydyqov. Onyń aıtýynsha, jýrnaldyń qazirgi taralymy 3 myń danany qurap otyr. Al avtorlar aýqymyndaı shekteý joq.

«Basty maqsatymyzdyń biri - qazaqtyń keń dástúrin, tarıhy men mádenıetin osy «Máńgi el» jýrnaly arqyly aǵylshyn tildi oqyrman qaýymǵa jetkizsek. Soǵan oraı, qazirgi taralym álemniń 25 eline baǵyttalsa, ary qaraı taralý aýqymy da arta túsedi dep oılaımyz. ıAǵnı, biz aǵylshyn tildi oqyrmanǵa qazaqtyń tarıhynan qyzyqty faktiler men derekterdi jetkizetin bolamyz», - dedi E. Sydyqov.