«Máńgi el» halyqaralyq ǵylymı-kópshilik tarıhı jýrnalynyń súıinshi nómiri tanystyryldy

ASTANA. 25 qyrkúıek. QazAqparat - Búgin Aqordada QR Memlekettik hatshysy Marat Tájınniń tóraǵalyǵymen ótken ulttyq tarıhty zerdeleý jónindegi vedomstvoaralyq jumys tobynyń úshinshi otyrysynda «Máńgi el» halyqaralyq ǵylymı-kópshilik tarıhı jýrnalynyń súıinshi nómiri tanystyryldy.

«El rýhanııatyndaǵy orny oqshaý, parasat-paıymy dara azamattar redaktsııa alqasyna kirgen halyqaralyq mártebesi bar tarıhı jýrnaldyń qazaq, orys, aǵylshyn tilderinde jaryq kórýi eldik pen tarıhymyzdy álemge tanytýdyń bir joly dep bilemiz. Onyń aýdıtorııasy óz oqyrmandarymyz ben shektelmeı alys jáne shetelderdiń kóziqaraqty qaýymyn qamtıdy. ıAǵnı, qazaq tarıhyna qyzyǵatyn planetanyń kez kelgen adamynyń ıgiline aınalady», - dedi jýrnaldy tanystyrǵan basylymnyń bas redaktory, L.Gýmılev atyndaǵy EUÝ rektory Erlan Sydyqov. Onyń atap ótýinshe, basylym atorlary úshin shekara joq. Sondyqtan da jýrnaldyń alǵashqy sanynda reseılik, ýkraınalyq tarıhshy ǵalymdardyń maqalalary jaryq kórip otyr. «Jýrnalymyzdyń qazirgi taralymy - 3 myń dana. Keleshekte jazdyryp alýshylarymyzdyń qatary kóbeıe túsedi degen úmittemiz. Basylymnyń bas redaktory retinde iri ulttyq kompanııalardyń da osy tarıhı jobaǵa atsalysyp, izgilikti iske qol ushyn sozǵanyn tileımin. Keler jyldan respýblıkalyq bıýdjetke de ilinip qalarmyz degen oı bar. Ázirge, 1-shi jáne jeltoqsan aıynda shyǵatyn 2-shi nómiri demeýshilerdiń kómegimen basylady»,- dedi ol.