Mánerlep syrǵanaýdan Eýropa-2018 chempıonaty Máskeýde ótetin boldy

ASTANA. QazAqparat - 2018 jylǵy mánerlep syrǵanaýdan Eýropa chempıonaty Máskeýde ótetin boldy. Bul týraly Halyqaralyq konkımen syrǵanaýshylar odaǵynyń (ISU) baspasóz qyzmetinen habarlady, dep jazady TASS.

Týrnır 2018 jyldyń 15-21 qańtary aralyǵynda ótedi.

Sondaı-aq 2018 jyly Halyqaralyq konkımen syrǵanaýshylar odaǵynyń qoldaýymen ótetin basqa da halyqaralyq týrnırlerdiń ótetin oryndary men ýaqyttary belgili boldy.

Sprınttik kópsaıys boıynsha konkımen syrǵanaýdan álem chempıonaty Qytaıdyń Chanchýne qalasynda (3-4 naýryz), klassıkalyq kópsaıys boıynsha konkımen syrǵanaýdan álem chempıonaty Herenvende (Nıderlandy) 10-11 naýryzda, short-trekten Eýropa birinshiligi 12-14 qańtar aralyǵynda Drezdende (Germanııa), al short-trekten álem birinshiligi Monrealda (Kanada) 16-18 naýryz aralyǵynda ótetin boldy.

Al mánerlep syrǵanaýdan álem chempıonaty 19-25 naýryz aralyǵynda Mılanda nemese Týrınde ótedi.