Manchesterdegi jarylys jaýapkershiligin DAISh moınyna aldy
TASS agenttiginiń habarlaýynsha, lańkesterdiń sáıkes vıdeosy áleýmettik jelilerde jarııalanǵan. «Manchester Arena» stadıonynda ánshi Arıana Grandeniń kontsertinen keıin jarylys bolyp, oqıǵa saldarynan 22 adam opat bolyp, 59 adam túrli deńgeıdegi jaraqattar aldy.
Reuters agenttiginiń málimetinshe, kórermender arasynda balalar men jetkinshekter kóp bolǵan. Oqıǵa kýá bolýshylardyń aıtýynsha, jarylys kontsert aıaqtalǵannan keıin kórermen oryndarynan turǵan kezde jasalǵan.
Polıtsııa qyzmetkerleri jarylysty jankeshti jasaǵan dep boljap otyr. Alańda iske qosylǵan jarylǵysh qurylǵy stadıonnyń kire beris bóligin kúl talqan etken, dep habarlaıdy news.com.au.
Aldyn ala taratylǵan aqparatqa sáıkes, 22 mamyr kúni Ulybrıtanııadaǵy Manchester stadıonynda bolǵan jarylys saldarynan opat bolyp, zardap shekkender qatarynda qazaqstandyqtar joq.