«Manchester Sıtı» tuńǵysh ret Chempıondar lıgasynda jeńimpaz atandy

YSTANBUL. QazAqparat - «Manchester Sıtı» óz tarıhynda tuńǵysh ret fýtboldan UEFA Chempıondar lıgasynyń jeimpazy atandy, dep habarlaıdy QazAqparat tilshisi.

Túrkııanyń Ystanbul qalasyndaǵy Olımpıada stadıonynda ótken kezdesýde «Manchester Sıtı» jáne «Inter» komandalary sheberlik baıqasty.

Oıyn basynan aǵylshyn klýby tizgindi óz qolyna alýǵa tyrysty.

Jyldam gol soǵý múmkindigin izdedi. Oǵan birinshi kezeńde ıtalııalyq fýtbolshylar laıyqty tótep bere bildi.

Ekinshi kezeńde «Manchester Sıtı» basymdyqty arttyrdy. Osyndaı sátterdiń birinde olardyń qatarynan Rodrıgo Ernandes 68-mınýtta mergendik tanytty.

Osylaısha olar qarsylasynan 1:0 esebimen basym túsip, óz tarıhynda tuńǵysh márte UEFA Chempıondar lıgasynyń jeńimpazy atandy.

Aǵylshyn klýby óz tarıhynda 2021 jyly tuńǵysh márte fınalǵa shyqqan. Degenmen, qarsylasyna ese jiberip, bas júldesiz qaldy.

Qazirge deıin atalǵan jarystyń toptyq kezeńinde «Manchester Sıtı» A tobynda Germanııanyń «Borýssııa Dortmýnd» (2:1, 0:0), Ispanııanyń «Sevılıa» (4:0, 3:1), Danııanyń «Kopengagen» (5:0, 0:0) komandalarymen kezdesti.

Odan keıin Germanııanyń «Leıptsıg» (7:0, 1:1),«Bavarııa» (3:0, 1:1), Ispanııanyń «Real Madrıd» (1:1, 4:0) komandalaryn qapy qaldyryp ketti.

Aıta ketsek, budan buryn ıspanııalyq «Sevılıa» UEFA Eýropa lıgasynda jeńimpaz atanǵan edi.

Sondaı-aq, «Vest Hem ıÝnaıted» fýtboldan UEFA Konferentsııa lıgasynda úzdik boldy.