«Manchester Sıtı» klýbtar arasyndaǵy álem chempıonatynyń fınalyna shyqty

<p>Anglııanyń &laquo;Manchester Sıtı&raquo; klýby fýtboldan klýbtar arasyndaǵy 2023 jylǵy álem chempıonaty fınalyna berilgen ekinshi joldamaǵa ıe boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Anglııalyq klýb búgin jartylaı fınalda Japonııanyń «Ýrava Red Daımonds» klýbymen kezdesti.

Kezdesý barysynda «Manchester Sıtı» negizgi quramdaǵy birqatar fýtbolshylaryn qatarǵa qosqan joq.

Olardyń qatarynda belgili juldyz Erlıng Holand ta bar.

Oıynnyń birinshi kezeńinde japonııalyq komanda azýly qarsylasyna birshama toıtarys bere bildi.

Degenmen olardyń qatarynan Marıýs Heıbroten 45-mınýtta óziniń qaqpasyna gol soǵyp aldy.

Ekinshi kezeńde anglııalyq klýb basymdyqty arttyra tústi. Nátıjesinde Mateo Kovachıch 52, Bernandý Sılva 59-mınýtta eki gol soǵyp, qorytyndy esepti belgiledi.

Osylaısha «Manchester Sıtı» qarsylasynan 3:0 esebimen basym tústi.

Endi olar 22 aqpanda fınalda Brazılııanyń «Flýmınense» klýbymen sheberlik baıqasady.

Sol kúni 3-oryn úshin saıysta «Ýrava Red Daımonds» Egıpettiń «Al-Ahlı» komandasymen qola júldeni sarapqa salady.

Eske salsaq, budan buryn klýbtar arasyndaǵy álem chempıonaty fınalyna Brazılııanyń «Flýmınense» komandasy shyqqan edi.