Manchester qalasynda Qazaqstannyń Qurmetti konsýldyǵy ashyldy

<p>MANChESTER. KAZINFORM &ndash; Qazaqstan Respýblıkasynyń Qurmetti konsýldyǵy resmı túrde Manchesterde ashylyp, Qazaqstan men Ulybrıtanııa arasyndaǵy aımaqtyq baılanystardy nyǵaıtý baǵytynda taǵy bir mańyzdy qadam jasaldy. Saltanatty is-sharada jergilikti parlament músheleri, saıası qaıratkerler jáne qazaqstandyq ókilder qatysty, dep habarlaıdy Kazinform tilshisi.</p>

Jańadan qurylǵan konsýldyq eki el arasyndaǵy saýda, ınvestıtsııa, mádenıet jáne bilim salalaryndaǵy yntymaqtastyqty damytý baǵytynda jumys isteıdi. Qazaqstannyń Ulybrıtanııadaǵy elshisi Maǵjan Іlııasov bul bastamalardyń mańyzdylyǵyn atap ótip, Manchester qalalyq keńesiniń depýtaty Abıd Latıf Chohandy Úlken Manchesterdegi Qazaqstannyń Qurmetti konsýly retinde tanystyrdy. Chohan ekijaqty qatynastardy ilgeriletip, ásirese ekonomıkalyq jáne mádenı baılanystardy nyǵaıtýǵa óz úlesin qosady.

«Manchesterde Qazaqstannyń Qurmetti konsýldyǵynyń ashylǵanyna qýanyshtymyn. Bul Qazaqstan men Ulybrıtanııa arasyndaǵy aımaqtyq baılanystarǵa: saýda, ınvestıtsııa, mádenıet jáne bilim berý salalaryna basa nazar aýdara otyryp, odan ári damytýdaǵy mańyzdy qadam», - dep málimdedi Maǵjan Іlııasov.

Foto: x.com/KazakhAmbUK

Elshi, sonymen qatar «Bolashaq» stıpendııasynyń ıegerleri – Manchesterde jáne basqa da qalalarda magıstratýra men doktorantýra baǵdarlamalary boıynsha oqyp jatqan qazaqstandyq stýdenttermen kezdesti. Áńgime barysynda stýdentterdiń ortaǵa beıimdelýi, akademııalyq jetistikteri jáne Qazaqstanǵa oralǵannan keıingi mansaptyq múmkindikteri talqylandy.

«Bolashaq» baǵdarlamasynyń stıpendıattarymen kezdesý maǵan árqashan qýanysh syılaıdy. Bul joly Manchester men odan tys jerlerde oqyp jatqan magıstratýra jáne doktorantýra stýdentterimen bas qostyq. Olarǵa tek sáttilik tileımin», - dep jazdy X áleýmettik jelisinde Maǵjan Іlııasov.