Mamyrdyń birinshi kúni jel kúsheıip, qatqaq túsedi
06:34, 01 Mamyr 2023
ASTANA. QazAqparat - Qazgıdromet sınoptıkteri 1 mamyr, dúısenbige arnalǵan aýa raıy boljamyn usyndy, dep habarlaıdy QazAqparat.
Atmosferalyq fronttardyń ótýine baılanysty respýblıkanyń ońtústiginde, ońtústik-shyǵysynda, shyǵysynda jańbyr jaýady.
Ońtústiginde, ońtústik-shyǵysynda jaýyn naızaǵaımen qatar jaýady.
Al Qazaqstannyń basym bóliginde Soltústik antıtsıklonnyń áserinen jaýyn-shashynsyz aýa raıy saqtalady.
El boıynsha jel kúsheıedi, soltústikte - tuman, ońtústikte – shańdy daýyl soǵady.
Túnde Aqmola, Pavlodar, Soltústik Qazaqstan, Qostanaı oblystarynyń soltústiginde 1-7 gradýs úsik, Qaraǵandy, Ulytaý oblystarynda topyraq betinde 1-3 gradýsqa deıin úsik júredi.