Mamyrda eldegi kıik popýlıatsııasyn zertteýge halyqaralyq sarapshylar keledi

ASTANA. QazAqparat – Mamyr aıynda Qazaqstandaǵy kıik popýlıatsııasynyń problemalaryn zertteýge halyqaralyq sarapshylar keledi. Orman sharýashylyǵy jáne janýarlar álemi komıtetiniń bas sarapshysy Asqar Abdrahmanov vedomstvonyń brıfınginen keıin osyndaı málimet aıtty, dep habarlaıdy QazAqparat tilshisi.

«Osy aqpan jáne mamyr aılarynda halyqaralyq sarapshylardyń qatysýymen jınalystar ótedi. Mamyr aıy kıikterdiń aýyl sharýashylyǵyna naǵyz áser etetin kezi bolyp esepteledi. Halyqaralyq mamandardy da osy ýaqytqa shaqyryp otyrmyz», - dedi komıtettiń bas sarapshysy.

BAQ ókilderi bul jıyndardan qandaı qorytyndy shyǵarylýy múmkin ekenin surady.

«Siz aıtyp otyrǵan ǵalymdar elde kıiktiń úsh popýlıatsııasyn tálimbaqta ósirý qolǵa alynǵanyn alǵa tartyp, kıik atýǵa qoıylǵan shekteýdiń kúshin joıý týraly sheshim qabyldaýy múmkin be?», - dep surady jýrnalıst.

«Múmkin. Endi ol ǵylymı usynystarǵa, ǵylymı jumystardyń sheshimine baılanysty», - dedi ol.

Sarapshynyń sózine qaraǵanda, elimizde kıikterdi qolǵa úıretýge jaramdy tálimbaqtar barshylyq.

«Jáńgir han ýnıversıtetiniń tálimbaǵy, Almaty oblysyndaǵy Zoologııa ınstıtýtynyń tálimbaǵy, Qaraǵandy oblysynda da Jáńgir han ýnıversıtetiniń tálimbaǵy bar. Qolǵa úıretý jumystary úsh popýlıatsııa boıynsha júrgiziledi. ıAǵnı, Batys Qazaqstan, Aqtóbe, Qaraǵandy, Aqmola, Qostanaı oblystaryn qamtıdy degen sóz», - dedi Asqar Abdrahmanov.

Foto:turkystan.kz