Mamyrda Aqtóbe oblysyna qarasty 4 aýyldyń ákimi saılanady

AQTÓBE. QazAqparat – 14 mamyrda Aqtóbe oblysyndaǵy 4 aýyldyq okrýgtiń ákimderin saılaý ótedi, dep habarlaıdy QazAqparat tilshisi.

Málim bolǵandaı, Aqtóbe oblysyna qarasty myna 4 aýyldyq okrýgtiń ákimderi saılanady:

- Alǵa aýdanynyń Tamdy aýyldyq okrýginiń ákimi;

- Áıteke bı aýdanynyń Temirbek Júrgenov aýyldyq okrýginiń ákimi;

- Yrǵyz aýdanynyń Amankól aýyldyq okrýginiń ákimi;

- Oıyl aýdanynyń Oıyl aýyldyq okrýginiń ákimi.

«5 sáýirde 4 aýdannyń aýmaqtyq saılaý komıssııalarynyń otyrystarynda oblystyń 4 aýyldyq okrýg ákimderin saılaý taǵaıyndaldy. Ákimderdi saılaý boıynsha saılaý okrýgteri quryldy. 2023 jylǵy 14 mamyrǵa taǵaıyndalǵan aýyldyq okrýgter ákimderiniń saılaýyn daıyndaý men ótkizý jónindegi negizgi is-sharalardyń kúntizbelik josparlary bekitildi», - delingen Aqtóbe oblysy ákimdiginiń resmı saıtynda jarııalanǵan habarlamada.

Aýyldyq okrýg ákimine kandıdattardy usyný keshe, ıaǵnı 6 sáýirde bastaldy.