Mamyr aıynda 80,3 myń adam jumysqa qabyldanyp, 69,4 myń adam jumystan ketken

ASTANA. 14 maýsym. QazAqparat /Qanat Mámetqazyuly/ - Jedel derekterge sáıkes, iri jáne orta kásiporyndarǵa jáne uıymdarǵa 2011 jylǵy mamyrda 80,3 myń adam qabyldandy, túrli sebeptermen - 69,4 myń adam jumystan ketti.

Bul týraly QazAqparat Statıstıka agenttiginiń baspasóz qyzmetine silteme jasap habarlaıdy.

Agenttik málimetterine qaraǵanda, jumystan ketken qyzmetkerlerdiń arasynda óz erki boıynsha jumystan bosatylǵandar 82,1 paıyzdy, qyzmetkerler sanynyń qysqarýyna baılanysty - 1,9 paıyz, basqa sebepter boıynsha bosaǵandar - 16,0 paıyzdy quraıdy. Sonymen qatar, 2011 jylǵy mamyr aıynda qabyldaý boıynsha aınalym koeffıtsıenti 2,6 paıyzdy, jumystan bosatý boıynsha aınalym - 2,3 paıyzdy, al jumys kúshiniń turaqsyzdyq koeffıtsıenti - 1,9 paıyzdy quraǵan. Osy kezeńge jumys kúshin aýystyrý koeffıtsıenti 115,7 paıyz shamasynda bolyp otyr.