MÁMS júıesinen shyǵyp qalsańyz, «saqtandyrylǵan» mártebesin qalaı qaıtarýǵa bolady

NUR-SULTAN. QazAqparat - Áleýmettik medıtsınalyq sqatandyrý qorynyń Nur-Sultan fılıaly halyq kókeıinde júrgen suraqqa jaýap berdi, dep habarlaıdy QazAqparat.

Áleýmettik medıtsınalyq saqtandyrý qorynyń Nur-Sultan qalasy boıynsha fılıalyna turǵyndar tarapynan túsetin suraqtar legi tolastaǵan emes.

Qor turaqty túrde turǵyndarmen keri baılanysta jumys júrgizip otyrady. 2021 jyldyń basynan qazirgi ýaqytqa deıin 472 ótinish túsken.

«Halyqty aqparattandyrý jáne ótinishterdi qaraý bólimi olardyń bárin ýaqytyly sheshimin tapty» deıdi qor fılıalynyń baspasóz qyzmeti.

Qorǵa jıi qoıylatyn suraqtyń biri: barlyq jarna tólense de, nege mártebe SAQTANDYRYLMAǴAN bolyp shyǵady? MÁMS júıesinde «saqtandyrylǵan « mártebesin qalaı qaıtarýǵa bolady?

- Barlyq jarnanyń tólengenin ózińiz jeke qadaǵalap otyrǵanyńyz jón. Keıde jumys berýshi nemese azamattardyń ózi jarnany tolyq aýdarmaıdy da, MÁMS arqyly medıtsınalyq qyzmet alý múmkindiginen aıyrylady.

- Mártebe qaıtadan SAQTANDYRYLǴAN bolýy úshin aýdarylmaǵan jarnany tóleý kerek. Muny siz úshin jumys berýshińiz aýdara alady nemese derbes tóleýshi retinde ózińiz tóleı alasyz (jarna somasy 1 ETJ-nyń 5%-i nemese 2125 teńge. Tólemniń taǵaıyndaý kody - 122).

Esterińizge sala ketsek, «saqtandyrylǵan» mártebesine ıe bolý úshin medıtsınalyq kómekke júginerdiń aldynda sońǵy 12 aı boıy jarnany úzdiksiz tólep otyrý qajet.

BJT tóleýshiler medıtsınalyq kómekke júginerdiń aldynda sońǵy 3 aı boıy tólese jetkilikti.

Aıta keteıik, medıtsınalyq saqtandyrý qory patsıentter quqyǵyn qorǵaıdy.

Qor MÁMS júıesinde jáne TMKKK aıasynda medıtsınalyq qyzmet alýshylarmen birneshe arna arqyly únemi keri baılanysta.

Bul – Qoldau 24/7 mobıldi qosymshasy, @SaqtandyryBot telegram-bot jáne 1406 baılanys ortalyǵy.