MÁMS júıesinde jalǵan qyzmet kórsetý týraly 52 myń fakti anyqtaldy

ASTANA. QazAqparat – Mindetti áleýmettik medıtsınalyq saqtandyrý júıesinde kemshilikter óte kóp. Sonymen qatar, memleket qarajatynyń qaıda ketip jatqany týraly aqparat tolyq emes. Bul týraly Úkimet basshysynyń orynbasary Altaı Kólginov málim etti, dep habarlaıdy QazAqparat tilshisi.

MÁMS máselesi Úkimet deńgeıinde qaralyp jatyr. Jýyrda Premer-Mınıstrdiń qatysýymen jıyn ótti. Bir aıdyń ishinde jasalǵan jumystyń nátıjesinde júıedegi kóptegen kemshilikti kórip otyrmyz. Birinshi kemshilik, ol jerde ashyqtyq joq, sebebi tsıfrlandyrý júrmegen. Mysaly, keıbir medıtsınalyq uıymdar kórsetilgen qyzmetterdi artyǵymen jazyp otyrǵan. Qyzmet kórsetilmegen, ony kórsetildi dep jibergen. Bul jóninde ata-analardyń da shaǵymy bar. Búginde MÁMS júıesi boıynsha jalǵan qyzmet kórsetilgeni týraly 52 myń fakti anyqtaldy

, - Altaı Kólginov Úkimet otyrysynan keıin BAQ ókilderiniń saýalyna jaýap bere turyp.

Premer-Mınıstr orynbasarynyń aıtýynsha, MÁMS qyzmetine qatysty istiń mán-jaıy tekserilip, sheshim shyǵarylady.

Máseleni sheshýdiń bir joly atalǵan júıe qyzmetin tolyq tsıfrlandyrý qajet. Qazir kemshilikter óte kóp. Bıýdjet qarjysynyń qaıda ketip jatqany týraly tolyq aqparat joq

, - deıdi ol.

Sondaı-aq, Altaı Kólginov júıe aıasynda kórsetilgen qyzmetter boıynsha naqty statıstıkanyń joqtyǵyn aıtty.