MÁMS júıesinde saqtandyrylý mártebesin qalaı bilýge bolady

NUR-SULTAN. QazAqparat - Ortalyq kommýnıkatsııalar qyzmetinde ótken brıfıngte «Áleýmettik medıtsınalyq saqtandyrý qory» kommertsııalyq emes AQ basqarma tóraǵasy Aıbatyr Jumaǵulov Mindetti áleýmettik medıtsınalyq saqtandyrý júıesinde mártebeni qalaı tekserýge bolatynyn aıtty, dep habarlaıdy QazAqparat tilshisi.

«Halyq mindetti túrde bilýi kerek jaıttar bar. Birinshi kezekte saqtandyrylý mártebesin tekserip alý kerek. Osy jyldyń naýryz aıynyń sońyna deıin barlyq azamattar medıtsınalyq kómektiń kepildendirilgen kóleminde saqtandyrylǵan bolyp sanalady, biraq soǵan qaramastan árkim óziniń saqtandyrylý mártebesin tekserip alýy kerek. Eger azamat saqtandyrylmaǵan bolyp shyqsa, bank jasap shyǵarǵan tólem termınaldary arqyly júıege jyldam kirýge bolatyn tetikter bar», - deıdi Aıbatyr Jumaǵulov.

Sonymen qatar, ol saqtandyrylý mártebesin Telegram-bot arqyly anyqtaýǵa bolatynyn aıtty.

Eske sala ketsek, 2020 jyldyń 1 qańtarynan bastap Qazaqstanda MÁMS júıesi iske qosyldy.