MÁMS júıesinde saqtandyrylǵansyz ba, joq pa - qalaı bilýge bolady
Kóp adamdy mindetti áleýmettik medıtsınalyq saqtandyrý sheńberinde medıtsınalyq kómekti qalaı alýǵa bolady degen suraq oılandyrady, óıtkeni MÁMS boıynsha tar beıindi dárigerlerdiń konsýltatsııalary, gormondarǵa taldaýlar, KT/MRT jáne basqa da qajetti dıagnostıkalyq qyzmetter qoljetimdi bolyp keledi.
Birinshi qadam – ózińizdiń saqtandyrý mártebeńizdi tekserý.
Mindetti medıtsınalyq saqtandyrý júıesindegi mártebeńizdi birneshe jolmen tekserýge bolady:
Egov.kz elektrondyq úkimet portaly arqyly
Ol úshin «Densaýlyq saqtaý» bóliminde «Medıtsınalyq qyzmetterdi tutynýshy retinde qatysý týraly jáne mindetti áleýmettik medıtsınalyq saqtandyrý júıesinde aýdarylǵan aýdarymdar jáne (nemese) jarnalar somasy týraly aqparat berý» qyzmetin tabý, «Qyzmetke tapsyrys berý» batyrmasyn basý, JSN-di engizý qajet. Nátıje 10 mınýt ishinde daıyn bolady.
Áleýmettik medıtsınalyq saqtandyrý qorynyń fms.kz resmı saıty arqyly
«Mártebeni anyqtaý» qalqymaly terezesi saıt betiniń oń jaq buryshynda ornalasqan. Ony basý jáne JSN-di engizý jetkilikti.
Qoldau 24/7 mobıldi qosymshasy arqyly
PlayMarket nemese AppStore-da qosymshany júktep alyńyz. Mázirde «Saqtandyrylý mártebesin tekserý» bólimin tańdap, JSN-di engizý qajet. Terezede mártebe jáne aldyńǵy 12 aıǵa tólemderdiń bolýy týraly aqparat paıda bolady.
Telegram-daǵy @SaqtandyrýBot arqyly
Botty iske qosý úshin myna siltemeni ashý kerek: https://t.me/SaqtandyryBot nemese izdeý jolyna onyń atyn engizińiz, sodan keıin «Saqtandyrý mártebesin anyqtaý» bólimin tańdańyz, JSN-di engizińiz. Aldyńǵy 12 aıdaǵy tólemderdiń jaǵdaıy men bar-joǵy týraly aqparat kórsetiledi.
Saqtandyrylǵan mártebeńizdiń bar ekenin teksergennen keıin, sizdiń MÁMS tizbesi boıynsha saqtandyrylǵan azamattarǵa kórsetiletin medıtsınalyq qyzmetterdi paıdalanýǵa quqyǵyńyz bar.
Ol úshin Áleýmettik medıtsınalyq saqtandyrý qorynyń jetkizýshisi bolyp tabylatyn alǵashqy medıtsınalyq-sanıtarlyq kómek kórsetetin medıtsınalyq uıymdardyń birine bekitilgenińizdi tekserý qajet.
Bekitilmegen jaǵdaıda, egov.kz. saıty arqyly bekitilýge ótinim berińiz.
Endi siz ózińizdiń ýchaskelik dárigerińizdiń qabyldaýyna jazyla alasyz.
Kórsetilimder bolsa, dáriger bazalyq nemese keńeıtilgen taldaýlar tizbesine joldama jazady, qajet bolǵan jaǵdaıda sizdiń densaýlyǵyńyzdyń jaı-kúıin baǵalaý jáne emdeýdi taǵaıyndaý úshin dıagnostıkalyq tekserýge nemese tar beıindi mamannyń konsýltatsııasyna jiberedi.
Bul qyzmetterdiń barlyǵyn MÁMS aıasynda Áleýmettik medıtsınalyq saqtandyrý qory tóleıdi, patsıent olar úshin aqy tólemeýi kerek.
«Qazirgi ýaqytta MÁMS júıesinde 82% elorda turǵyny saqtandyrylǵan. Áli 222 530 qala turǵyny qamtylmaı, MÁMS júıesinen tys qalyp otyr. MÁMS júıesinde saqtandyrylmaǵan azamattar, mártebesi bolmasa da, tegin medıtsınalyq kepildendirilgen kómek kóleminde medıtsınalyq (shuǵyl medıtsınalyq kómek, jedel járdem brıgadasyn shaqyrý, ýchaskelik dáriger qabyldaýy, t.b.) kómek ala alady», - dep atap ótti ÁMSQ elorda fılıalynyń dırektory Nurlybek Qabdyqaparov.
Eger sizde medıtsınalyq kómektiń sapasy men ýaqtylyǵy týraly suraqtar týyndasa, siz emhananyń Patsıentterdi qoldaý jáne ishki aýdıt qyzmetine habarlasa alasyz.
Eger jaǵdaıdy sheshý múmkin bolmasa, Áleýmettik medıtsınalyq saqtandyrý qoryna kelesi keri baılanys arnalary arqyly ótinish jiberýge bolady: fms.kz resmı saıty, 1406 baılanys ortalyǵy, Qoldau 24/7 mobıldi qosymshasy jáne Telegram-daǵy SaqtandyrýBot.