MÁMS júıesi engizilse, aýylda barlyq medıtsınalyq qyzmetter qoljetimdi bolady
Bul týraly QR Premer-Mınıstriniń resmı saıty habarlady.
Qor basshysynyń aıtýynsha, turǵyndar úshin medıtsınalyq qyzmetterdiń qoljetimdiligin arttyrý maqsatynda, 2025 jylǵa deıin medıtsına salasyn qarjylandyrýdy JІÓ-niń 5%-yna deıin jetkizý mindeti qoıylǵan.
«2020 jyldan bastap mindetti áleýmettik medıtsınalyq saqtandyrý júıesiniń arqasynda, densaýlyq saqtaý júıesine jarty mlrd teńgeden asa qosymsha qarajat quıylady. ıAǵnı, bıyl kepildendirilgen tegin medıtsınalyq kómek sheńberinde 1 trln teńgege jýyq qarjy bólinse, endi buǵan qosymsha 500 mlrd teńge bólinedi, ıaǵnı, aqysyz medıtsınalyq qyzmetterge bólinetin qarjy mólsheri 1,5 ese ósedi», - dedi A. Jumaǵulov.
Al kepildendirilgen tegin medıtsınalyq kómek kólemi kelesi jyly shamamen 1 trln teńge kóleminde, sol deńgeıinde qalady, bıýdjette qazir oǵan 988 mlrd teńge qarastyrylǵan. Sondyqtan kez kelgen azamat tegin medıtsınalyq kómek kólemin qajet kezinde paıdalana alady.
«Medıtsınalyq qyzmetterdiń azamattar úshin qoljetimsiz bolýy birinshi kezekte qarjylandyrýdyń shektelýine baılanysty. Buryn qymbat medıtsınalyq dıagnostıkalyq qyzmetter, ásirese, kompıýterlik tomografııa, MRT, basqa da analızder qoljetimdi bolmady, ásirese, ota jasaý kezegin keıde 2-3 aı boıy kútýge týra keletin. Endi bizdiń negizgi maqsatymyz - asa qajet medıtsınalyq qyzmetter kólemin qarjylandyrýdy ulǵaıtý arqyly olardyń qoljetimdiligin arttyrý», - dep túsindirdi sala basshysy.
Onyń aıtýynsha, mindetti áleýmettik medıtsınalyq saqtandyrýdyń engizilýimen, aýyldyq jerlerde turatyn azamattar aýdandyq aýrýhanalarǵa barýmen shektelip qalmaıdy, olar úshin barlyq deńgeıdegi kóptegen medıtsınalyq qyzmetter qoljetimdi bolady.
«Eger aýyl turǵyndary qandaı da bir kúrdeli medıtsınalyq qyzmetterge júgingisi kelse, oblystyq nemese respýblıkalyq deńgeıge shyǵyp, sol qyzmetti alýǵa múmkindikteri bolady. Bul jaǵynan eshqandaı shekteý joq», - dep naqtylady A. Jumaǵulov.