MÁMS júıesi boıynsha shetel azamattaryna qandaı kómek kórsetiledi
Qazaqstanda turýǵa yqtııarhaty bar jáne osynda turaqty turyp jatqan sheteldikter QR azamattary sııaqty medıtsınalyq saqtandyrý qoryna jarnalar tóleýge mindetti. Bul degenimiz, jumys berýshi olardyń eńbekaqysynan medıtsınalyq saqtandyrý úshin 1% ustap qalady. Ózin-ózi jumyspen qamtyǵandar eń tómengi jalaqydan 5% kóleminde óz betinshe jarna tóleýi tıis, bul 2125 teńge.
Turýǵa yhtııarhaty bar saqtandyrylǵan shetel azamattary tegin medıtsınalyq kómektiń kepildi kólemi jáne medıtsınalyq saqtandyrý paketi boıynsha qyzmet alýǵa quqyly. Saqtandyrylmaǵandar 2020 jylǵy 1 sáýirden bastap tek qana tegin medıtsınalyq kómektiń kepildik kólemin ala alady.
«Qazaqstanda turýǵa yqtııarhaty bar zeınetkerler de derbes tóleýshiler retinde saqtandyrylǵan bolý úshin Qorǵa jarna tóleýleri tıis. Olar jeńildigi bar sanatqa jatpaıdy. Eger olar saqtandyrylmaǵan bolsa, onda olarǵa tegin medıtsınalyq kómektiń kepildi kólemi ǵana qoljetimdi bolady», - dep túsindirdi medıtsınalyq saqtandyrý qorynyń Qaraǵandy fılıaly bóliminiń bas sarapshysy Janar Raqysheva.
EAEO elderinen (Armenııa, Belarýs, Reseı, Qyrǵyzstan) kelgen eńbek mıgranttary da medıtsınalyq saqtandyrý qoryna jarna tóleýge mindetti. Bul rette olar tıisti medıtsınalyq qyzmetter paketine qol jetkizedi.
Qazaqstanda ýaqytsha turatyn TMD elderiniń azamattary jaraqattaný, ýlaný, júktilik jáne bosaný kezinde jedel járdem kómegin paıdalana alady. Olar sondaı-aq aınalasyndaǵylarǵa qaýip tóndiretin aýrý juqtyrǵan kezde de kómek alady.
«Eger naýqastanǵan shetel azamatynyń jaǵdaıy aýyr bolsa jáne shuǵyl kómek qajet bolsa, ol oǵan tegin kórsetiledi. Emdelýshiniń ómirine tónip turǵan qaýip joıylǵannan keıin odan ári emdeý aqyly negizde júzege asyrylatyn bolady», - dep túsindirdi Janar Raqysheva.