MÁMS: Tegin stomatologııalyq kómek kimge kórsetiledi

ALMATY. QazAqparat- Megapolıstegi №11 qalalyq emhananyń tis dárigeri Gúlnár Turysbekova tegin stomatologııalyq kómek kimge kórsetiletinin aıtty, dep habarlaıdy QazAqparat tilshisi.

«Emhanada aqysyz medıtsınalyq kómek 18 jasqa deıingi balalarǵa, júkti áıelderge, 1 jáne 2 toptaǵy múgedekterge, «Altyn alqa» jáne «Kúmis alqa» alǵan kópbalaly analarǵa, zeınetkerlerge, oralmandarǵa, Ekinshi dúnıejúzilik soǵys jáne mindetti medıtsınalyq saqtandyrý (MÁMS) sheńberinde olarǵa teńestirilgenderge kórsetiledi. Stomatologııalyq kómek jedel túrde de, josparly túrde de tegin kórsetiledi»,- deıdi dáriger.

Stomatologııalyq medıtsınalyq saqtandyrý qyzmetteriniń paketin mynalardy qamtıdy: stomatologııalyq aýrýlardyń aldyn alý jáne emdeý, tis jegisi men onyń asqynýyn emdeý: pýlpıt, jergilikti anestezııamen perıodontıt; gıpoplazııa, flıýoroz kezinde tistiń anatomııalyq pishininiń tolyq fýnktsıonaldy qalpyna kelýi; rentgenografııa.

Sondaı -aq, emhanada stomatologııalyq hırýrgııalyq aralasýlar jasalady.

Mamannyń aıtýynsha, operatsııalar jergilikti anestezııamen júrgiziledi, mysaly, tildiń plastıkalyq frenýmy, ústińgi jáne astyńǵy erinniń jabysý anomalııasy, tisti julý, jaq -bet aımaǵynyń jedel jáne irińdi qabyný aýrýlaryn alý, ashý.

«Barlyq osy is -sharalardy ótkizý úshin bizde 15 -ke jýyq maman jumys isteıtin stomatologııalyq bólim bar jáne barlyq qajetti qymbat qondyrǵylarmen qamtamasyz etilgen. Mamanǵa barý úshin emhananyń tirkeý bólimine kelip nemese qońyraý shalý arqyly dárigerge jazylýǵa bolady», - deıdi Gúlnár Turysbekova.

Esterińizge sala keteıik, megapolıs emhanalarynda mindetti medıtsınalyq saqtandyrý (MÁMS) sheńberinde medıtsınalyq qyzmetter barlyq halyqqa kórsetiledi.

15 qyrkúıek pen 15 qarasha aralyǵynda Qazaqstanda bastapqy medıtsınalyq -sanıtarlyq kómek uıymdaryna aqysyz tirkelýdiń jyl saıynǵy naýqany bastalady.