MÁMS: Mamyr aıynda Nur-Sultan qalasy boıynsha 3,4 mlrd teńgeden asa jarna tústi

NUR-SULTAN. QazAqparat - Elordalyqtar 2021 jyl bastalǵaly beri, ıaǵnı qańtar-mamyr aılarynda medıtsınalyq saqtandyrý úshin 16,1 mlrd teńge jarna aýdarǵan, al mamyr aıynda MÁMS úshin 3,4 mlrd teńgeden asa jarna tústi, dep habarlaıdy Áleýmettik medıtsınalyq saqtandyrý qorynyń elorda fılıalynyń baspasóz qyzmeti.

Nur-Sultan qalasy boıynsha 2017 jyldyń 1 shildesi men 2021 jyldyń 31 mamyry aralyǵynda medıtsınalyq saqtandyrý úshin jınaqtalǵan jarnanyń jalpy somasy 74,4 mlrd teńgeni qurady.

«2021 jyldyń mamyr aıynda medıtsınalyq saqtandyrý úshin elordalyqtar 3,4 mlrd teńgeden asa jarna aýdarǵan. Onyń ishinde jumys berýshilerdiń aýdarymdary 1,6 mlrd teńgeden asady, al jeke kásipkerlerden 1,8 mlrd teńge túsken. Sondaı-aq, osy jyldyń 31 mamyryndaǵy jaǵdaı boıynsha 6931 adam biryńǵaı jıyntyq tólem (BJT) boıynsha MÁMS-ke jarna tólegen.

Mindetti áleýmettik medıtsınalyq saqtandyrý úshin túsken barlyq jarna aýdarymdary,ıaǵnı jınaqtalǵan qarjy, senimgerlik basqarý týraly jasalǵan kelisimshartqa sáıkes, Ulttyq bankte saqtalady da, Mindetti áleýmettik medıtsınalyq saqtandyrý paketi sheńberindegi qyzmetter aqysyn tóleýge jumsalady», - deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.