MÁMS: Qazaqstandyqtar óz mártebesin 1 shildege deıin anyqtaý qajet

ALMATY. QazAqparat – Elimizde mindetti áleýmettik medıtsınalyq saqtandyrý júıesi tolyǵymen 1 shildeden bastap iske qosylady. Qazirgi ýaqytta barlyq qazaqstandyqtar shartty saqtandyrylǵan dep sanalady. Bul týraly Almaty qalasy «Áleýmettik medıtsınalyq saqtandyrý qory» KEAQ fılıalynyń dırektory Nurlybek Qabdyqaparov málimdedi, dep habarlaıdy QazAqparat tilshisi.

«Sáýir aıynan bastap elimizde mindetti áleýmettik medıtsınalyq saqtandyrý júıesi tolyqqandy iske qosylýy tıis bolatyn. Biraq memleket basshysynyń koronavırýs indetine baılanysty bergen tapsyrmasyna sáıkes, bul merzimdi 1 shildege aýystyrý týraly sheshim qabyldandy. ıAǵnı, osy ýaqytqa deıin Qazaqstannyń barlyq turǵyndary shartty túrde saqtandyrylǵan bolyp sanalady», - dedi Nurlybek Qabdyqaparov.

Sonymen qatar, ol bul elde turatyn árbir azamattyń tegin medıtsınalyq kómek túrin ǵana emes, medıtsınalyq saqtandyrý paketindegi qyzmetterdi de paıdalanýyna múmkindik beretinin aıtty. Jalpy alǵanda, bul múmkindikti 2,5 mıllıonnan astam adam paıdalanady.

«Qor óziniń ishki rezervinen 20 mlrd teńgeden astam qarjy bólýdi josparlap otyr. Ol saqtandyrylmaǵan azamattardyń kompıýterlik tomografııa, magnıtti-rezonanstyq tomografııa, PTsR syndy qymbat analızderge degen suranysyn qanaǵattandyrýǵa jumsalmaq. Qazir elimizde barlyǵy 16,4 mıllıonǵa jýyq adam saqtandyrylǵan bolyp sanalady. Onyń 11 mıllıonǵa jýyǵy áleýmettik jaǵynan az qamtylǵan sanattar. ıAǵnı, halyqtyń jartysynan kóbi bıýdjet esebinen saqtandyrylyp otyr, - dedi ol.

Spıkerdiń aıtýynsha, medıtsınalyq saqtandyrý qory 2020 jylǵa respýblıka boıynsha 1 250-den astam medıtsına uıymymen kelisimshart bekitken, onyń 600-den astamy jekemenshik uıym. Jetkizýshilermen bekitilgen kelisimsharttyń jalpy somasy 1,3 trln teńge. Al Almaty qalasy boıynsha bıyl 182,2 mlrd teńgeniń qyzmetin satyp alý kózdelgen. Onyń: 110,7 mlrd teńgesi – tegin medıtsınalyq kómek paketine, 71,4 mlrd teńgesi – saqtandyrý paketine tıesili.

«Esterińizge sala ketsem, Qazaqstanda mindetti áleýmettik medıtsınalyq saqtandyrý júıesi 2020 jyldyń basynda engizildi. Áýelde jyldyń bastapqy úsh aıy ótpeli kezeń retinde jarııalandy. Sebebi, jańa júıe bolǵandyqtan ártúrli suraqtardyń týyndaıtyny ras. Ótpeli kezeń osyndaı máselelerdi sheship, turǵyndardyń jańa júıeni baǵalap, onyń artyqshylyǵyn sezinýi úshin engizilgen bolatyn. Degenmen, bul Qazaqstan azamattary men osynda turaqty turatyn sheteldikterdi jarna tóleý mindetinen bosatpaıdy. Shildeniń birine deıin saqtandyrylmaǵan turǵyndar MÁMS paketindegi qyzmetterdi paıdalana almaıdy», - dep qortyndylady Nurlybek Qabdyqaparov.