MÁMS: Dárigerge jazylatyn adamnyń shekti sany bolady

ASTANA. QazAqparat - Mindetti áleýmettik medıtsınalyq saqtandyrý júıesi aıasynda árbir adam dárigerdi ózi tańdaı alady. Degenmen, bir kásibı dárigerdiń qabyldaýyna jazylatyndar kóp bolsa, kezekter máselesi týyndaıdy. 

Osyǵan baılanysty kezekke turatyn adamdardyń shekti sanyn belgileý josparlanyp otyr, dep xabarlaıdy QazAqparat tilshisi.

"Qazirgi kezde dárigerdiń qabyldaýyna tirkelý boıynsha arnaıy standart bar. Oǵan sáıkes, bir dárigerge 2000 patsıentten keledi. Aldaǵy ýaqytta biz atalǵan kórsetkishti 1500-ge deıin túsiremiz. Demek, barlyǵy tolyǵymen medıtsınalyq saqtandyrý júıesine kóshkende adamdar naqty bár dárigerge jazylady da, lımıtten asyp ketkende basqa dárigerdi tańdaý qajet bolady", - dedi QR Densaýlyq saqtaý mınıstri Eljan Birtanov búgin Úkimet otyrysynan keıingi baspasóz máslıxatynda.

Aıta keteıik , otyrys kezinde Eljan Amantaıuly mindetti áleýmettik saqtandyrý júıesi boıynsha esep berdi. Al Premer-Mınıstr Baqytjan Saǵyntaev mindetti medsaqtandyrýdy túsindirý jumystarynjandandyrýdy tapsyrdy .