MÁMS: Bıylǵy jyldyń 10 aıynda Nur-Sultan boıynsha 34 mlrd teńge jarna tústi
Al osy jyldyń qazan aıynda elordalyqtar medıtsınalyq saqtandyrý úshin 3,6 mlrd teńgege jýyq jarna aýdardy» – dep habarlaıdy Áleýmettik medıtsınalyq saqtandyrý qorynyń elorda fılıalynyń baspasóz qyzmeti.
Nur-Sultan qalasy boıynsha 2017 jyldyń 1 shildesi men 2021 jyldyń 31 qazany aralyǵynda medıtsınalyq saqtandyrý úshin jınaqtalǵan jarnanyń jalpy somasy 92,2 mlrd teńgege jýyq somany qurady.
«2021 jyldyń qazan aıynda medıtsınalyq saqtandyrý úshin elordalyqtar 3,6 mlrd teńgege jýyq jarna aýdarǵan. Onyń ishinde jumys berýshilerdiń aýdarymdary 1,7 mlrd teńgege jýyq, al jeke kásipkerlerden túsken jarna – 1,9 mlrd teńge. Osy aralyqta biryńǵaı jıyntyq tólem (BJT) boıynsha aýdarylǵan MÁMS jarnalary 8,8 mln. teńgeni quraıdy.
Mindetti áleýmettik medıtsınalyq saqtandyrý úshin túsken barlyq jarna aýdarymdary, ıaǵnı jınaqtalǵan qarjy, senimgerlik basqarý týraly jasalǵan kelisimshartqa sáıkes, Ulttyq bankte saqtalady da, medıtsınalyq qyzmetter aqysyn tóleýge jumsalady. Tegin medıtsınalyq kómektiń kepildendirilgen kólemi jáne MÁMS paketteri boıynsha halyqqa kórsetilgen medıtsınalyq qyzmetterdiń sapasy men kólemine monıtorıng jasap, teksergennen keıin ǵana Qor jetkizýshilerine tólem júrgiziledi», - deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
«Medıtsınalyq saqtandyrý qory patsıentter quqyǵyn qorǵaıdy. Qandaı da bir suraqtar týyndaǵan jaǵdaıda: keri baı̆lanys arnalary arqyly Qorǵa habarlasýǵa bolady. Áleýmettik medıtsınalyq saqtandyrý qory ótinishińizdi qarap, tıisti shara qabyldaıdy»,-delingen «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti taratqan aqparatta.