Mamlıýtka qalasynda baspana kezeginde turǵandarǵa 30 páterlik úı salyndy - SQO
SQO Mamlıýt aýdany ishki saıasat bóliminiń málimetinshe, Mamlıýtka qalasynda 30 páterli eki qabatty úıdiń qurylysy byltyr naýryz aıynda bastalǵan. Joba boıynsha 14 bir bólmeli, 10 eki bólmeli jáne 6 – úsh bólmeli páter bar. Jobanyń quny 375 mln teńge. «Nurly jer» baǵdarlamasy aıasynda salynǵan baspana úı kezeginde turǵandarǵa - eń aldymen kóp balaly jáne az qamtylǵan otbasylaryna, ata-ananyń qamqorlyǵynsyz qalǵandarǵa jáne múmkindigi shekteýli azamattarǵa berilmek.
«Úı tolyq abattandyrylǵan, ortalyqtandyrylǵan jylý, sý tartylǵan. Aýlasynda balalar, sport alańdary, kólik qoıatyn arnaıy oryn bar. Páterler «Turǵyn úı qatynastary» Zańyna sáıkes muqtaj jandarǵa beriledi. Qazirgi ýaqytta turǵyn úı-kommýnaldyq sharýashylyǵy bólimi kezekte turǵandarǵa túgendeý júrgizdi. Jaqynda turǵyn úı komıssııasynyń otyrysy ótedi. Ol jerde páterlerge úmitkerlerdiń árqaısysy qaralady», - deıdi Mamlıýtka qalasynyń ákimi Erkin Samarhanuly.
Qazirgi ýaqytta Mamlıýt aýdany boıynsha 220 adam baspana kezeginde tur. Onyń 107-si jetim balalar bolsa, 54-i turmysy tómen jáne 14-i kóp balaly otbasylar.
«Byltyr Mamlıýtka qalasynda joldarǵa kúrdeli jóndeý júrgizildi, 13 kóshe jaryqtandyryldy. «Eńbek» baǵdalamasy boıynsha 5 úı salyndy. Olardyń barlyǵy ońtústik óńirden kóship kelgenderge beriledi. Osy maqsatta bıyl taǵy 19 úıdiń qurylysy bastalady», - dedi Erkin Samarhanuly.